Badiiy asarni tahlil qilish kompetensiyasini shakllantirish

---

1 
4-MAVZU. 1-4-SINF О‘QISH DARSLARIDA О‘QUVCHILARNING 
BADIIY ASARNI TAHLIL QILISH KOMPETENSIYASINI 
SHAKLLANTIRISH. 
Reja: 
1. Asar matnini tahlil qilishning metodik shartlari va bosqichlari. 
2. 1-4-sinf о‘qish darslarida о‘quvchilarning badiiy asarni tahlil qilish 
kompetensiyasini shakllantirish. 
 
Mavzuga oid tayanch tushuncha va iboralar: о‘quv dasturi, bilim, 
kо‘nikma, malaka, kompetensiya. 
 

 
1. Asar matnini tahlil qilishning metodik shartlari va bosqichlari. 
Asar matnini tahlil qilishning metodik shartlaridan biri asar mazmunini uning 
tasviriy-ifodaviy vositalari bilan bog‘liq holda qarashdir. Yana bir asosiy qoida 
asar ustida ishlash jarayonida ta’lim-tarbiyaviy vazifalarni umumiy ravishda 
amalga oshirish hisoblanadi. Bu qoidalar asar ustida ishlashning asosiy 
yо‘nalishini belgilaydi, shuningdek, matnni tahlil qilish jarayonida о‘quvchilar 
bajaradigan topshiriqlarni va muhokama qilish uchun ularga beriladigan 
savollarning xarakterini aniqlab olishga yordam beradi. 
Boshlang‘ich sinflarda badiiy asar ustida ishlash uch asosiy bosqichga 
bо‘linadi: 
Birinchi bosqich(birinchi sintez). Bu bosqichning asosiy vazifasi matnni 
yaxlit idrok etish asosida asarning aniq mazmuni va tasviriy ifoda vositalari bilan 
tanishtirishdan iborat. 
Ikkinchi bosqich(analiz). Bu bosqichning vazifasi va ish mazmuni voqealar 
rivojining bog‘lanishini belgilash, ishtirok etuvchi shaxslarning xulq-atvori va 
ularning asosiy xususiyatlarini aniqlash (nega shunday qildi va bu uning qanday 
xususiyatini ochadi), asar kompozitsiyasini ochish (tugun, kulminatsion nuqta, 
yechim), asarning aniq mazmunini tasviriy vositalar bilan birga tahlil qilish va 

---

2 
qahramonlar xulq-atvorini baholash (muallif nimani tasvirlagani, qanday 
tasvirlagani, nima uchun u yoki bu dalilni tanlagani)dan iborat.