Bahorni qarshilab
Yüklə 0,95 Mb. Pdf görüntüsü
|
- Bu səhifədəki naviqasiya:
- Sirojiddin SAYYID, O‘zbekiston xalq shoiri Mas’ul muharrir Nodira Husanxo‘jayeva
- UO‘K
- BAHOR BILAN SUHBAT
|
O‘ZBEKISTON YOZUVCHILAR UYUSHMASI SAIDA ZUNNUNOVA BAHORNI QARSHILAB She’rlar TOSHKENT «ADABIYOT» 2021 www.ziyouz.com kutubxonasi ISBN 978-9943-7106-2-7 Loyiha rahbari Sirojiddin SAYYID, O‘zbekiston xalq shoiri Mas’ul muharrir Nodira Husanxo‘jayeva © Saida Zunnunova, 2021 © «Adabiyot», 2021 Saida Zunnunova sheʼrlarida haqiqiy inso niylik, shod lik va qayg‘u, yor vasli, sevgi va hijron, oila, ishonch, mehnat va olijanoblik, porloq istiqbol quvon chi kuylanadi. U har bir misrani dard bilan, ming bir to‘lg‘anib, bir parcha o‘t bo‘lib, lovillab, yonib yozadi. Uning sheʼrlarining tili sodda va shirali, lirik qahra mon obrazida mehnatkash insonning orzuumidlari, kurashi, shodligi, qayg‘usi, g‘alabasi balqib turadi. Shoiraning mu hab bat haqidagi sheʼrlari o‘zining sami miyligi, badiiy yetuk ligi bilan o‘quvchi eʼtiborini o‘ziga tortadi. UO‘K: 821.512.133-1(081) KBK: 84(5O‘)6 Z 93 Saida Zunnunova Z 93 Bahorni qarshilab [matn]. {she’rlar}/ Saida Zunnunova. – Toshkent: «Аdabiyot» nashriyoti, 2021. 128 – b. www.ziyouz.com kutubxonasi 3 BAHOR BILAN SUHBAT Gʻujg‘uj kapalakmi novdaga qo‘ngan Desam, ko‘tarildi qahqaha, kulgi. «Eh, shoir, aftidan, ko‘zlaring tingan, Gʻujg‘uj g‘unchalarmiz, oq gullarmizku!» Yo‘q, nega tanimay seni, gulbahor, Faqat qilmoqchiman husningni taqqos, Ishqu ilhom berib ko‘nglimga har bor, Yuz turli rang bilan tovlanganing rost. Har bo‘rtgan kurtakdan qilding tabassum, Hatto giyohlarda g‘ururing ko‘rdim. Poyqadaming tekkan chiroyli, ma’sum – Bog‘larda husningga termilib turdim, Lekin e’tirozim bor andakkina, Bir nafas kuylashdan to‘xta, quloq sol. So‘zimni eshitu va qilmay gina, Bir umr men bilan, she’rim bilan qol, Senga atamayman she’rimni bu gal, Unda maqtalmaydi g‘unchalar labi. Unda kuylanadi sendan ham go‘zal, Sendanda qudratli insonning qalbi. Odamsiz cho‘llarga kelib har yili – Ketgansan o‘zingdan qoldirmay nishon. www.ziyouz.com kutubxonasi Saida ZUNNUNOVA 4 Insonning mehnati, mehri tufayli, Sendagi chiroy u va sendagi shon. Ilk sahro gullari qurg‘oq dastidan, Qovjirab qolganda, qaytolmagansan. Atlas kapalakcha bo‘lib ustida Ishqingni ularga aytolmagansan. Endi cho‘llarda ham gurkirar hayot, Bemalol sep yoyib yashnaysan sen ham. Suv olib, nur bo‘lib bordi odamzod, Undan so‘ng sen bording qadambaqadam. Hali bular nima, atom nuridan Muzlarning ustida quyosh yoqamiz. Har bittamiz mehnat, ilm, shuurdan Olamga bir bahor bo‘lib boqamiz. So‘zlarimni olib uchishgan yellar Novdalarga qo‘nib jim qoldi bir zum. Shivirlab yaproqlar, shivirlab gullar, Iqror bo‘lishganday qildi tabassum. 1955 www.ziyouz.com kutubxonasi BAHORNI QARSHILAB 5 * * * Yolg‘iz ikkov bo‘lsak ahilsan juda, Yuz bor erkalaysan yuz xil nom bilan. Tinmay atrofingda bo‘lib parvona, Baxtu shodligimdan dovdirayman men. Ammo birov bo‘lsa, siposan biram, Go‘yo bermagandek bo‘lib e’tibor. Nahotki bilmaysan, birovga ko‘zko‘z – Qilmoqqa shu ishqdan afzal nima bor?! 1956 * * * Uchrashuv onini kutib betoqat, Qalbim talpinardi, senga, azizim. Minutlar sudralib, go‘yo o‘tmay vaqt, Shirin bir azobda o‘rtanar edim. Ammo huzuringga borardim kechroq, Hech gap o‘tmaganday go‘yo o‘zimdan. Turarding termilib, toqating ham toq, Intizor ko‘zingga boqardim zimdan. Besh minutga shuncha diqqat bo‘libsan, Peshanangga tushmish chiziqlar qatqat. Nahotki shunchalik yengiltak bo‘lsang, Hayotni visol deb o‘ylasang faqat. Yo‘q, jonim, so‘qmoqlar juda ko‘p unda, Hijron bo‘lmasaydi, visol yo‘q edi. Hayron qilib qo‘yding, butun umrimni Qanday qilib senga topshiray endi. 1956 www.ziyouz.com kutubxonasi Saida ZUNNUNOVA 6 Yüklə 0,95 Mb. Dostları ilə paylaş:
|