Bakı-2012 Elbrus Şahmar «Qusar beşiyim mənim»

-  Daxa,  deyin,  siz  kişidə  hansı  xüsusiyyətə  üstünlük 
verirsiniz?
-  Mərdliyinə,  dözümlülüyünə,  ədalətinə,  sözünün 
ağası  olmasına,  işgüzarlığına,  mübarizliyinə,  ehtiyacı 
olanlara  imkanı  daxilində  arxa  durmasına,  tamahsız- 
lığına və sairə  ...
Kişinin  ailəsi  təmiz,  əl-ayağı  düz  olmalıdır.  Kişilər 
tutduğu  işə,  əmələ  görə  heç  kimlərin  yanında  başıaşağı 
gəzməz,  həmişə alnıaçıq,  üzüağ olar.  Koroğlunun belə bir 
sözü var: «Kişi bir qarın çörəkdən ötrü ayağa düşməz.»
Mircəfər  Bağırovun  mühakiməsində  Rudenko  ona 
deyir  ki,  «respublikada  səni  kişi  adlandırırlar,  əgər  kişi­
liyin çatırsa hər şeyi etiraf et.»
M.C.Bağırov  da  qayıdıb  belə  cavab  verir:  «Mənim 
indiki  vəziyyətimdə  olan  kişiliyin  heç  mində  biri  qədər 
sənin bütün ömrün boyu kişiliyin olmayıb.»
Kişilər heç düşmənləri  ilə münasibətdə də öz adlarına, 
şərəflərinə  xələl  gətirən  hərəkətlərə  yol  verməyiblər,  heç 
vaxt  düşməninin  əhli-əyalına  sataşmayıb,  onlara  zərər 
yetirməyiblər.
Ancaq,  təəssüflər olsun  son  illər elə  hadisələrin  şahidi 
oluruq  ki, adamın  onu  deməyə də,  yazmağa  da  nə əli,  nə 
dili gəlir.
Bəzən  mavi  ekrandan  elə  hadisələr  eşidirik  ki,  o,  heç 
bir  bəşər  övladına  layiq  görülməz.  Onu  da  deyim  ki,  elə 
hallar  və  hadisələr  bizim  xalqımıza,  nə  azərbaycanlılara, 
nə  də  ki,  ləzgilərə  aid  olan  səciyyəvi  xüsusiyyət  deyildir. 
Ancaq bununla belə meşə çaqqalsız da olmur.
__ _______________________________
Qusar beşiyim mənim
165

---

“
Elbrus Şahmar
İran  şahı  Daraya  deyirlər  ki,  onun  əsir  düşən  əhli- 
əyalı  İsgəndərin  göstərişi  ilə  şəhanə yaşayır  və  hamısının 
ismət  və  abır-həyaları  da  gözlənilir.  Dara  da  qayıdıb 
deyir  ki,  kaş  əvvəlki  imkanım  özümə  qayıdaydı  və  mən 
İsgəndərin  bu  kişiliyinə  və  mərdliyinə  görə  onun  yaxşılı­
ğından  çıxa  biləydim.  Yox,  əgər  tamam  məğlub  olsam, 
onda Tanrıdan arzu edərdim ki, taxt-tacım elə İsgəndərin 
özünə qismət olaydı.
Onu da deyim ki, çox zaman kişilər də layiq olduqları 
kimi  yaşaya  bilmir,  bəziləri  layiq  olduğundan  daha 
yüksək,  bəziləri  isə  layiq  olduğundan  daha  aşağı  səviy­
yədə  yaşamalı  olur.  Nə  etmək  olar,  bu  da  həyatın  sərt 
qanunlarından biridir.