2.“Bank ishi” yo’nalishida mutaxassislikka qo’yilgan talablar.
Ma’lumki, bo’lajak mutaxassislarni tayyorlash ishi bevosita davlat va jamiyatning talab xamda ehtiyojlariga asoslanib, o’rta maxsus, kasb-hunar ta’lim tizimidagi tayyorlov yo’nalishlari kasblar va ixtisosliklar tasniflagichida o’z ifodasini topadi. Amaldagi o’rta maxsus, kasb-hunar ta’limidagi tayyorlov yo’nalishlari kasblar va ixtisosliklar umumiy davlat tasniflagichi (2006y) O’zbekiston Respublikasida texnikaviy, iqtisodiy va ijtimoiy axborotlarni tasniflash va kodlashtirish bo’yicha yagoia tuzilma tarkibiga kiradi va Vazirlar Mahkamasining "Uzluksiz ta’lim tizimi uchun davlat ta’lim standartlarini ishlab chiqish va joriy etish to’g’risida"gi 1998 yil 5- yanvardagi 5- sonli qarori asosida ishlab chikilgan. O’rta maxsus, kasb-xunar ta’limi muassasalari tayyorlov yo’nalishlari kasblar tasniflagichining tasniflash ob’ektlari hisoblanib, unda tayyorlov yo’nalishlari nomi, kodi va shu tayyorlov yo’nalishlari turkumiga kiruvchi kasblar nomi va kodi hamda ixtisosliklar ro’yxati keltirilgan.
Tasniflagichda ta’lim hakidagi me’yoriy xujjatlarni indeksatsiyalash maksadida foydalaniladigan ta’limning halkaro standart tasniflash kodlari ham keltirilgan.
3. “Pul va banklar”, “Bank ishi” fanlarining umumiy mazmun va mohiyati.
Jahon moliyaviy-iqtisodiy inqirozi sharoitida pul muomalasi, kredit tizimi, xususan O’zbekiston Respublikasi kredit tizimini o’ziga xos xususiyatlari, bank tizimi, O’zbekiston Respublikasi bank tizimini isloh qilish va erkinlashtirish, banklarda bozor talablariga mos keluvchi xizmat turlarini tadbiq qilish, mijozlarning talab va takliflarini hisobga olish, yangi kredit vositalarini qo’llash, turli kredit institutlarini tashkil etishi bilan bog’liq jarayonlarini yuzaga keltirdi.
Bu fanning maqsadi va vazifasi talabalarni bank tizimida mustaqil ishlashga tayyorlashdan iborat.
«Pul va banklar» fani bank tizimi uchun iqtisodchi bankirlarni tayyorlashda etakchi nazariy fanlardan biri hisoblanadi. Unda pul muomalasini tashkil topishi, pul tizimini takomillashtirish, milliy valyutani barqarorligini ta’minlash, banklarning kelib chiqishi, uni rivojlanish bosqichlari, O’zbekiston Respublikasi bank tizimini shakllanishi, bank tizimini barqarorligini ta’minlash, bozor iqtisodiyoti sharoitida kreditni rivojlantirish qonuniyatlari, kreditning shakllari, zarurligi, tijorat banklarining likvidligi kabi masalalar ko’rib chiqiladi.
Dostları ilə paylaş: |
