II bob. Ilm-ma’rifat. Innovatsiya
44
@edurtm_uz
Matnni o‘qing va sifatlarni, fazilatlarni sanang, muhimligiga ko‘ra tartib-
lang. Ularning inson hayotida tutgan o‘rni haqida mulohaza qiling.
KITOBGA OSHNOLIKNING MUKOFOTI
Muhammad Sodiq yoshligidan juda ko‘p kitob o‘qib,
vaqtdan
unumli foydalangan. U bo‘sh qoldi deguncha qo‘liga kitob olar, kechasi
uxlab qolguncha mutolaa qilardi.
Bo‘lajak olim talabalik yillarida ham qat’iy
kun tartibi va kundalik
vazifalarni tayinlab olgan bo‘lib, bu nizom «temir qonun» sanalardi.
Ular orasida mustaqil mutolaa uchun alohida vaqt ajratilgan. Unga ko‘ra
har kuni darsdan tashqari turli mavzudagi kitoblardan 100 sahifa o‘qish
vazifa qilib olingan. Universitetda kutubxona mudiri bo‘lib ishlagan
Tohir Nous shunday degan edi: «Muhammad
Sodiqqa kitob tashib
charchaganman».
Olim umri mobaynida qilgan yuzlab safarlardan son-sanoqsiz
kitoblar bilan qaytgan. Ularni o‘zbek tiliga o‘girib, o‘rganganlarini
ma’rifat
tarqatishga, xalqning ma’naviyatini oshirishga sarf qildi.
Kitobga mehr Shayx Muhammad Sodiq Muhammad Yusufni zamonamiz-
ning allomalaridan biriga aylantirdi. Uning hayotiga va erishgan yutuqlariga
diqqat qilsak, xalqimizning quyida aytgan hikmati yodga tushadi:
Ilmsiz bir yashar,
Ilmli ming yashar.
Mustaqil faoliyat
Ma’naviyat xazinasidan
Tarbiyali va odobli inson har qanday holatda ham gunoh va
beodob likni o‘ziga ep ko‘rmaydi. Iymon va axloqi qayerda, qachon va
qanday holatda bo‘lsa ham, uni faqat yaxshilikka chorlaydi.
Shayx Muhammad Sodiq Muhammad Yusuf
