Əşya xarakterli rəqabət (və ya eyni növ məhsulların rəqabəti). Bu növ rəqabət onun nəticəsidir ki, əksər firmalar eyni adda, çeşiddə və hətta keyfiyyətdə oxşar məhsul və xidmətləri təklif edirlər. Bəzən bu məhsulların arasında gedən rəqabət firmalararası xarakter alır. Lakin maraqlı cəhət burasındadır ki, müəyyən bir firmanın özünün istehsal etdiyi məhsulları və təklif etdiyi xidmətləri arasında bu cür rəqabət müşahidə edilir. Misal üçün, “Toyota” korporasiyası eyni adda, eyni texniki, texnoloji və s. parametrli olan avtomaşınları təklif edir. Bu maşınları alanlar müxtəlif millətlərin, təriqətlərin və ölkələrin nümayəndələridir, onlar müxtəlif yaşda, müxtəlif təhsilli, mentalitetli və s. parametrli insanlardır. Məhz buna görə onların avtomaşın seçimləri müxtəlif olacaqdır. Biri ağ, digəri boz, başqası qara və s. rəngli “Toyota”lara üstünlük verəcəkdir, nəticədə isə eyni növ məhsulların rəqabəti formalaşacaqdır.
