Bazar iqtisadi sistemi şəraitində əmtəə- pul münasibətlərinə, dəyər qanununa, bazarın roluna, vəzifələrinə və s məsələlərə olan münasibətlər əsaslı surətdə dəyişir, yeniləşir və bu dəyər kateqoriyaları nəhayət ki

Mövzu 12 : Şəxsi satış və satışın idarə edilməsi.

Plan :

1.Marketinq əlaqələri sistemi və marketinq kompleksində onun rolu. Marketinq əlaqələri sistemində reklam.

2. Kommersiya təbliğatı və satışın həvəsləndirilməsi.

3. Şəxsi satış və satışın idarə edilməsi.
1.Marketinq əlaqələri sistemi və marketinq kompleksində onun rolu. Marketinq əlaqələri sistemində reklam.

XX yüzilliyin əllinci illəri iqtisadi təcrübədə sahibkarlığın yeni «fəlsəfəsi»nin - marketinq konsepsiyasının geniş və dərin tətbiqi ilə xarakterizə olunur. Onun şüarı: nə istehsal olunursa onu satmaq deyil, nə satılırsa onu istehsal etməkdən ibarət olmuşdur.

Marketinqin geniş tətbiqinə qədər bazar fəaliyyətinin əsas məqsədi - maksimum mənfəət əldə olunması üçün müxtəlif yollara əl atılması idi. Bunlardan ən əsasları aşağıdakılar idi:

♦ İstehsalın inkişafı, istehsal edilən məhsul həcminin sadə artımı (istehsalın təkmilləşdirilməsi konsepsiyası);

♦ İstehsal olunan məhsulun keyfiyyət xarakteristikalarının yaxşılaşdırılması (əmtəənin təkmilləşdirilməsi konsepsiyası):

♦ Əmtəənin alıcıya «sırınması», «yeridilməsi» (kommersiya səylərinin inten-sivləşdirilməsi konsepsiyası).

Marketinqdə isə bütün bazar fəaliyyətində əsas səylərin tələbatın daha səmərəli ödənilməsinə yönəldilmişdir. Marketinq kompleksinin əsas elementlərindən biri marketinq əlaqələri sistemindən ibarətdir.