Bilal Həsənli Nazilə Abdullazadə
B.A.Həsənli, N.Ə.Abdullazadə, 2015
Yüklə 2,8 Kb. Pdf görüntüsü
|
|
B.A.Həsənli, N.Ə.Abdullazadə, 2015
3 Giriş İfadəli oxunun gənc nəslin ədəbi təhsilində, tərbiyəsində və inkişafında rolu böyükdür. Lakin uzun illər ərzində məktəb proq- ramlarında şagirdlərin emosional, mənəvi-estetik inkişafında mü- hüm rol oynayan ifadəli oxu dərslərinin keçilməsinə dərs saatları ayrılmadığından ümumtəhsil məktəblərində bu məsələyə lazımınca diqqət yetirilməmiş, şagirdlərdə ifadəli oxu bacarıqları formalaş- dırılması üzrə işlər kölgədə qalmışdır. Lakin bu bir həqiqətdir ki, yalnız nəzəri biliklərə yiyələnmək insanın mənəvi-estetik idealla- rının formalaşmasına gətirib çıxarmır. Gənc nəsildə emosionallığın, hislərin tərbiyəsi mənəvi-estetik inkişafın mühüm şərtidir. Pedaqoji ali məktəblərin filologiya və ibtidai təhsilin peda- qogikası və metodikası fakültələrində tədris olunan “İfadəli oxudan praktikum” fənninin əsas məqsədi tələbələri səslənən söz sənəti ilə bağlı biliklərə yiyələndirmək, onlarda müəyyən ifaçılıq bacarıqları formalaşdırmaqdır. Tələbə təcrübi məşğələlərdə səslənən söz sənətinin özünəməxsus xüsusiyyətlərini aydınlaşdırmağa imkan verən nəzəri bilikləri mənimsəməli, müvafiq elmi ədəbiyyatdan baş çıxarmalıdır. Tələbə ifadəli oxunun keyfiyyətini qiymətləndirməyi, nəticə etibarilə müxtəlif janrlarda olan əsərləri ifadəli oxumağı bacarmalıdır. Məktəbdə müxtəlif ədəbi gecələr, teatr tamaşaları, səhnələş- dirmələr təşkil edən, şagirdlərə ana dilinin zəngin xəzinəsindən bəhrələnərək canlı, ifadəli danışmağı öyrədən müəllim ilk növbədə özü ifadəli oxunun nəzəri və praktik məsələlərindən baş çıxarmalı, həmin bacarıqlara praktik şəkildə yiyələnməlidir. Ümumtəhsil məktəblərində tətbiq olunan fənn kurikulumunda şagirdlərin ifadəli oxu bacarıqlarına yiyələnməsinə xüsusi diqqət yetirilmiş, V-IX siniflərdə oxu ilə bağlı standartların reallaşdırılması məqsədəuyğun sayılmışdır. Bu, tələbələrin gələcək müəllimlik fəaliyyətinə hazırlıq dövründə ifadəli oxu təlimi metodikasına yiyələnməsini də zəruri edir. İfadəli oxu üzrə praktikum tələbələrin həm də ifadəli oxunun tədrisi metodikasına yiyələnməsi üçün nəzərdə tutulmuşdur. Praktik məşğələlərin təşkili tələbələrin fənn üzrə nəzəri bilik- |