|
2. Elektrik intiqallarının təsnifatı
Elektrik intiqalları bir sıra əlamətlərinə görə siniflərə bölünürlər: tətbiq şəraitinə görə (stasionar və hərəkətli); bir elektrik mühərrikinin xidmət etdiyi maşınların sayına və ya bir qurğuda olan elektrik mühərriklərinin sayına görə (transmissiya, tək və çox mühərrikli); işçi maşınla əlaqəsinə görə (aqreqatlaşdırılmış, tikilmiş və ya qurulmuş); idarəetmə üsuluna görə (avtomatlaşdırılmış, qismən avtomatlaşdırılmış, avtomatlaşdırılmamış); texnoloji əlamətə görə (nizamlanan, nizamlanmayan); sürətlərin sayına görə (birsürətli, çoxsürətli).
Kənd təsərrüfatında həm stasionar, həm də hərəkətli (mobil) elektrik intiqalı (Eİ) tətbiq edilir. Stasionar elektrik intiqalı (SEİ) əsasən heyvandarlıqda və k/t məhsullarının ilkin emal müəssisələrində tətbiq olunur. Mobil elektrikintiqalı (MEİ) sahələrdəki qurğulara, yağış yağdıran qurğulara, nəqliyyat vasitələrinə və s. xidmət edir.
Transmissiya intiqalları (Tİ) iki qrupa bölünür: əgər elektrik mühərrikindən hərəkət istehsalat sexində yerləşən baş transmissiya valına ötürülürsə, belə Tİ-ı ümümtransmissiya adlanır. Əgər elektrik mühərriki transmissiya vasitəsilə maşınlar qrupunu hərəkətə gətirirsə, bu qrup intiqalı adlanır.
Tək intiqalda işçi maşın bir elektrik mühərriki ilə hərəkətə gətirilir.
Dostları ilə paylaş: |
