Bilimlendiriw ministrligi

Statistikalıq formulyar
– bul dástúrde berilgen sorawlarǵa alınǵan juwaplar 
toltırılatuǵın hújjet. Statistikalıq formulyar eki túrli boladı: a) ayrıqsha formadaǵı 
formulyar. Ayrıqsha kórinistegi formulyarǵa kárхananıń jıllıq esabatı mısal bola 
aladı.b) dizim formasındaǵı formulya. Bunda formulyarda bir emes, bálkim bir 
neshe esap birlikleri haqqında maǵlıwmat keltiriledi.
Instrukciya
– bul baqlaw dástúrindegi sorawlarǵa durıs, tolıq hám anıq 
juwap qaytarıwdı támiynlew maqsetinde statistikalıq formulyarlardı toltırıw ushın 
kórsetpeler, túsindirmeler toplamı. 
Instrukciyada: 

statistikalıq baqlaw maqseti hám wazıypaları; 

baqlaw obyekti hám birligi; 

maǵlıwmatlardı qay jerden hám kimnen alıw; 

baqlaw múddeti; 

hújjetlerdi rásmiylestiriw tártibi; 

materiallardı tapsırıw hám jóneltiw múddeti; 

kórsetkishlerdi esaplaw tártibi hám soǵan uqsas baqlanıp atırǵan hádiyse 
menen tikkeley baylanıslı bolǵan máseleler kórsetiledi. 
Instrukciya ádette kóp qánigeler qatnasıwında talıqlanıwı lazım. 
Baqlaw dástúrindegi rekvizitler menen baylanıslı bolǵan máseleler boyınsha 
barlıq sorawlar ushın juwaplar anıq hám túsinikli bolıwı kerek. Usınday bolǵanda 
ǵana ol esapshılar ushın zárúr qollanba bolıp esaplanadı. 
2.3. Statistikalıq baqlawdıń shólkemlestiriw máseleleri 
Baqlawdıń shólkemlestiriw máseleleri tómendegilerdi óz ishine aladı. 
Baqlaw organı, baqlaw waqtı hám múddeti, baqlaw ornı hám basqa 
shódkemlestiriw máseleleri. 
Baqlaw organı 
– bul statistikalıq baqlawdı tikkeley shólkemlestiretuǵın 
hám ótkizetuǵın shólkemler bolıp tabıladı. Olardıń atpa-at dizimi hámde huqıq 

---

32 
hám wazıypaları baqlawdıń shólkemlestiriw jobasında belgilep alınadı. Máselen, 
mámleket kóleminde ótkiziletuǵın baqlawlar Mámleketlik statistika organları 
tárepinen islep shıǵadı.