- (mahalliy sharoitga, muhitga qarab boshqa maktablarda imkoniyatlarni o’zgartirib borish mumkin)
Tayanch ibora 1.Baho - baholashning ball shaklida ko’rsatilgan son jihatdan o’lchashiga aytiladi. 2.Baholash - bilim, ko’nikma va malakalarni o’quv dasturida ko’rsatilgan etalon (ko’rsatkich, qolip, o’lchagich)lar bilan solishtirishni aytamiz.
Bilim - bu o‘quvchilar ongida muayyan tartibda mustahkamlangan, ularning shaxsiy mulkini tashkil etadigan va bundan ular zaruriyatga ko‘ra foydalana oladigan faktlar, ma’lumotlar, ilmiy nazariyalar, qonunlar va tushunchalardir.
Bilish – ma’naviy-ruhiy hodisa, insonning olamni anglash qobiliyati, saralangan, tartibga solingan, muayyan usul (metod) yordamida olingan, ma’lum mezonlarga (me’yyorlarga) muvofiq tartibga solingan, ijtimoiy ahamiyatga ega bo‘lgan, odamlar va butun jamiyat tomonidan aynan bilish sifatida tan olinadigan axborot.
Idrok(arab. Aql vositasida bilish, qabul qilish) – aql asosida murakkab bilish jarayoni, ruhiy intellectual qobiliyat.
Intellekt (lot. Intellectus – aql,idrok, zehn) – keng ma’noda: kishining voqea hodisa mohiyatini to’laligicha bilishiga asoslangan va u orqali namoyon bo‘ladigan faoliyati; tor ma’noda: insonning tafakkur, fikr yuritish salohiyati.
Joriy nazorat– talabaning fan mavzulari bo’yicha bilim va amaliy ko’nikma darajasini aniqlash hamda baholash usuli.
Oraliq nazorat – semestr davomida o’quv dasturining tegishli (fanning bir necha mavzularini ichiga olgan) bo’limi tugullangandan keyin talabaning bilim va amaliy ko’nikma darajasini aniqlash va baholash usuli. Oraliq nazoratining soni (bir semestrda ikki martadan ko’p o’tkazilmasligi lozim) va shakli (yozma, og’zaki, test va hokazo) o’quv faniga ajratilgan umumiy soatlar hajmidan kelib chiqqan holda belgilanadi.
Ochiq test – o‘quvchiga o‘z xoxishiga ko‘ra javob berish imkoniyatini yaratadi. Ochiq testlar, odatda, bitta asosiy so‘z (yoki so‘zlar) tushirib qoldirilgan jumladir.
