Bitiruv malakaviy ishi

O‘ZBEKISTON RESPUBLIKASI OLIY VA O‘RTA
MAXSUS TA’LIM VAZIRLIGI
MIRZO ULUG‘BEK NOMIDAGI O‘ZBEKISTON MILLIY UNIVERSITETI


FALSAFA FAKULTETI PSIXOLOGIYA YO'NALISHI


JO‘RAYEV O‘TKIRJON TASHPULATOVICH


BITIRUV MALAKAVIY ISHI
Mavzu: INDIVIDUALLIKKA DAXLDOR RASMIY DINAMIK SO‘ROVNOMALARNING PSIXOLIK TAVSIFI
5310200-Psixologiya talim yo‘nalishi
Ilmiy rahbar: Psixologiya fanlari nomzodi
dotsent A.I.Rasulov


TOSHKENT -2014 yil


Mundarija:

	Kirish	3
I-bob	SHaxsning individual-psixologik xususiyatlarini metodologiyasi	6
1.1.	Individuallik psixologik muammo sifatida	6
1.2.	Individuallikni rasmiy–dinamik xususiyatlarini psixologik tadqiqotlarda o‘rganilishi	15
1.3.	Individuallikni psixodiagnostik metodikalari	20
	Birinchi bob bo‘yicha xulosa	23
II-bob.	Individuallikni rasmiy-dinamik xususiyatlariga daxldor so‘rovnomalarning psixologik tavsifi	24
2.1.	V.M.Rusalovning “Individuallikni rasmiy-dinamik xususiyatlari so‘rovnomasi”ni savollari xususiyatlari	24
2.2.	Ya.Strelyau “Temperament tuzilishini o‘rganish” so‘rovnomasi	32
2.3.	Mayers-Briggs tipologik so‘rovnomasi	34
	Ikkinchi bob bo‘yicha xulosa	40
III-bob.	Individual-dinamiklikni o‘rganishga doir so‘rovnomlarning tatbiq etish bo‘yicha empirik natijalari	41
3.1.	V.M.Rusalovning “Individuallikni rasmiy-dinamik xususiyatlari so‘rovnomasi” so‘rovnomasi tatibiq etish natijalari	41
3.2.	Ya.Strelyauning Temperament strukturasini o‘rganish so‘rovnomasi	48
	Uchinchi bob bo‘yicha xulosa	52
	Xulosalar	54
	Foydalanilgan adabiyotlar ro‘yxati	55
	Ilovalar

Kirish
Mavzuning dolzarbligi. Xalqimizning milliy ongi, milliy g‘ururi, milliy iftixori o‘sib, ma’naviy dunyosi kundan kunga boyib bormoqda. Bu esa mustaqil davlatimizning ma’naviy asosini yanada mustahkamlashga imkoniyat yaratib bermoqda. Lekin bundan ma’naviyat sohasida hech qanday muammo yo‘q degan xulosani chiqarib bo‘lmaydi. Bugungi kunda erkin fuqaro ma’naviyati, ozod shaxsni shakllantirish masalasi oldimizda turgan eng dolzarb vazifadir. “Boshqacha qilib aytganda, - deydi Prezidentimiz – o‘z kuchi va imkoniyatlariga tayanadigan, atrofda sodir bo‘layotgan voqea va hodisalarga mustaqil munosabat bilan yondoshadigan, ayni zamonda shaxsiy manfaatlarni mamlakat va xalq manfaatlari bilan uyg‘un holda ko‘radigan, erkin jihatdan barkamol insonlarni tarbiyalashimiz kerak”.
Dunyo miqyosidagi hozirgi ijtimoiy-siyosiy hayot kishilik jamiyati taraqqiyotining ayni bosqichi shunday o‘ziga xos xususiyatga egaki, unda harbiy qudrat emas, balki shaxsning psixologik xususiyatlari, intellektual salohiyat, aql-idrok, fikrlash, yangi texnika va texnologiyalar hal qiluvchi ahamiyat kasb-etadi. Yoshlarni mustahkam irodali qilib tarbiyalash, mustaqil ijodiy fikrlashga o‘rgatish tufayli ular kelgusida o‘z oldilarida vujudga kelishi kutiladigan muammolarni ijodiy ravishda hal qilish orqali xalq xo‘jaligining rivojlanishiga, Respublikamizning ilg‘or texnologiyali jahon davlatlari qatoridan munosib o‘rin egallashiga hissa qo‘shishga erishish mumkin.
Davlat va jamiyat tomonidan yoshlarning, ta’lim muassasalari mutaxassislari hamda ota-onalarning oldiga qo‘yilayotgan vazifalar bevosita psixologiya sohasida yaratilayotgan turli psixodiagnostik metodlar (trening, diagnostika, psixoterapevtik suhbatlar, intervyu, anketa usuli, test usuli)yordamida amalga oshirilishi nazarda tutiladi.
Psixologiya sohasi keyingi 10 yillar mobaynida anchagina rivojlandi. Shuningdek, psixologiya sohasining alohida yo‘nalishlari sifatida psixodiagnostika, psixokorreksiya va trening tarmog‘i ham rivojlandi.
Bularning barchasi jamiyatda shaxsning aniq psixologik xususiyatlarini o‘rganish, ularning yutuq va kamchiliklarini bilish va shunga mos ravishda ta’sir ko‘rsatish uchun imkoniyat yaratadi. Mazkur tatqiqot ish aynan aunday dolzarb muammoni o‘rganishga mo‘ljallanganligi bilan xaraktelidir.