Bölmə I. Gəmi haqqında məlumat

MÜNDƏRİCAT
Giriş ............................................................................................................................
Bölmə I. Gəmi haqqında məlumat..........................................................................
1.1 Ümumi məlumat.....................................................................................................
1.2 Gəmi sürücülüyün texniki vasitələri (GSTV)................................................ .......
Bölmə II. Reysin naviqasiya işlənməsi.....................................................................
2.1 Keçid rayonu üzrə naviqasiya-coğrafi məlumat................................................
2.2 Keçid rayonunun hidrometeoroloji icmalı.............................................................
2.3 Çıxış limanı barədə şturman arayışı(Genova)................................................ ......
2.4.Giriş limanı barədə şturman arayışı(İstanbul).......................................................
2.5 Kil altında ehtiyyat dərinliyin hesablanması.........................................................
2.6 Üzüş marşrutunun seçilməsi və keçidin ilkin hesabatları......................... .....
Bölmə III. Astronomik müşahidələrin planlaşdırılması. Çıxış, gəliş limanları
və marşrutun ayrı - ayrı nöqtələri üçün "Şturman bülleteni" nin hesablanması.
3.1 Astronomik müşahidələrin planlaşdırılması.
3.2 Çıxış, gəliş limanları və marşrutun ayrı- ayrı nöqtələri üçün "Şturman bülleteni"-nin hesablanması.....................................................................................
Nəticə......................................................................................................................
İstifadə edilən ədəbiyyat..................................................................................... ....

GİRİŞ
İqtisadiyyatın inkişafında gəmi sürücülüyü böyük rol oynayır.Həmin tapşırığı bizdə AXDG yerinə yetirir.AXDG-nin gəmiləri həm Xəzərdə, həm Qara, həm də Aralıq dənizində üzür."Azərbaycan Xəzər Dəniz Gəmiçiliyi" QSC yük daşımaları, neft-qaz sənayesinə ixtisaslaşdırılmış ofşor xidmətləri, gəmi təmiri, dənizçilərin hazırlanması və sertifikatlandırılması xidmətləri təqdim edən aparıcı gəmiçilik şirkətdir. Gəmiçilik sahəsində 158 illik təcrübəyə malik AXDG-nin fəaliyyət coğrafiyası Xəzər dənizi və Xəzərdənkənar yükdaşıma bazarlarını əhatə edir.
Keçid vaxtına 1% qənaət edilməsi daşımanın maya dəyərini 2% aşağı salır. Azərbaycan Xəzər Dəniz Gəmiçiliyi Xəzərdə ən böyük nəqliyyat donanmasına, neft və qaz hasilatı sənayesinə xidmət göstərən ən böyük ixtisaslaşdırılmış ofşor donanmaya, geniş texniki imkanları ilə seçilən gəmi təmiri zavodlarına, müasir tədris sistemi və elmi-texniki bazaya malik Azərbaycan Dövlət Dəniz Akademiyasına, eləcə də modern trenajor və simulyatorlarla təchiz edilmiş Təlim-Tədris Mərkəzinə sahibdir.
Azərbaycanın Avropa ilə Asiya arasında əlverişli coğrafi mövqeyi və Xəzərdən keçən beynəlxalq yükdaşıma marşrutları Azərbaycan Xəzər Dəniz Gəmiçiliyinin nəqliyyat donanmasını tranzit yükdaşımaların həyata keçirilməsində xüsusi əhəmiyyətli edir. Eyni zamanda, Xəzər dənizində irimiqyaslı neft və qaz layihələrinin müvəffəqiyyətlə həyata keçirilməsində Azərbaycan Xəzər Dəniz Gəmiçiliyinin geniş profilli ixtisaslaşmış ofşor donanması böyük əhəmiyyət kəsb edir.158 illik tarixində Gəmiçiliyin Xəzərdən kənarda da geniş fəaliyyət təcrübəsi vardır. 2014-cü ildə AXDG Xəzərdən kənarda fəaliyyətini bərpa etmişdir. Hazırda Qara və Aralıq dənizi hövzələrində Gəmiçiliyin Azərbaycan bayrağı altında 10 quru yük gəmisi üzür (5 gəmi 2016-cı ilin may-iyun aylarında istifadəyə verilib).