775) Tənəffüsün xüsusiyyətlərinə hansılar aiddir?
A) Yüksəklik
B) Gərginlik
C) Tonus
D) Dolğunluq
E) Tezlik
Tənəffüs sərbəst nəfəsalma və nəfəsvermə hərəkətlərinin ritmik növbələşməsidir. Normada bir dəqiqə ərzində böyüklərdə 16-20 tənəffüs hərəkəti qeydə alınır. Bu göstəricinin artıb-azalması tənəffüsün tezliyinin dəyişməsi deməkdir.
Ədəbiyyat: Qaqunova Y.Y “Xəstələrə ümumi qulluq”. Səh 190. “Maarif” 1974
776) Göstərilənlərdən hansı nəbzin xüsusiyyətlərindən biridir?
A) Ritm
B) Taxipnoe
C) Hipertoniya
D) Hipotoniya
E) Atoniya
Nəbz-(pulsus latın sözü olub, zərbə, təkan deməkdir) qanın sistolik dalğasının təsiri ilə arteriya divarının titrəməsidir. Normada nəbzin ritmi ürəyin fəaliyyətinə müvafiq olaraq düzgün ola bilər, bu zaman bütün nəbz dalğaları eyni olur.
Ədəbiyyat: Qaqunova Y.Y “Xəstələrə ümumi qulluq”. Səh 223. “Maarif” 1974
777) 10 %-li kalsium-xlorid vena daxilinə düzgün vurulmadıqda hansı yerli fəsad baş verir?
A) Yağ emboliyası
B) Kvinke ödemi
C) Abses
D) Anafilaktik şok
E) Yumşaq toxumanın nekrozu
10 %-li kalsium xlorid güclü qıcıqlandırıcıdır, o səhvən dərialtına vurulduqda yumşaq toxumanın yerli ölümü- nekroz baş verir. Bu hal baş verdikdə yeridilən maddənin konsentrasiyasını azaltmaq məqsədilə həmin nahiyəyə
fizioloji məhlul yeridərək, soyuq qoyulur.
Ədəbiyyat: Ədəbiyyat: C.N. Hacıyev. R.Y.Əliyev. Xəstələrə qulluq. Səh.160“Təhsil” Bakı1998
Dostları ilə paylaş: | 
