Budjet nazorati
Hisobvaraqlardagi budjet mablag`lari hisobining nazorati
Yüklə 2,32 Mb. Pdf görüntüsü
|
|
3. Hisobvaraqlardagi budjet mablag`lari hisobining nazorati
Shaxsiy hisobvaraqlar bo’yicha muomalalarni tekshirishda tekshiruvchi g’aznachilik bo’linmalarida shaxsiy hisob raqamlar bo’yicha muomalalarni amalga oshirishda amaldagi qonunchilikka rioya qilinishini tekshiradi. Tekshiruv g’aznachilik bo’linmalari yoki banklarda ochilgan barcha hisobvaraqlar bo’yicha amalga oshirilgan muomalalarni o’z ichiga oladi. Tegishli hisobvaraqlar bo’yicha ko’chirmalarda qayd etilgan mablag’lar qoldig’i hisobda mavjud bo’lgan mablag’lar qoldig’i bilan solishtiriladi. Buning uchun quyidagi ish jadvalidan foydalanish maqsadga muvofiq. Ko’chirmalarni rasmiylashtirilishida suiiste’molchiliklarniyashirish maqsadida hisobvaraqning debeti va krediti bo’yicha oborot atayin bir xil summaga kamaytirilishi mumkin. Shuning uchun, tekshiruvchi shaxsiy hisob raqamlardan ko’chirmalarga muvofiq hisobvaraqning debeti va krediti bo’yicha oborot hisob registrlaridagi ko’rsatkichlar bilan muvofiqligini tekshirishi lozim. Tekshiruvchi shaxsiy hisob raqamdan ko’chirmalari va unga ilova qilingan hujjatlarning to’liq va haqiqiy ekanligini tekshiradi. Shaxsiy hisob raqamdan ko’chirmalarining to’liqligi ularning varaqlar bo’yicha raqamlanganligi va shaxsiy hisobvaraqlardagi mablag’lar qoldig’i ko’chirib yozilganligidan kelib chiqib aniqlanadi. Avvalgi shaxsiy hisob raqamdan ko’chirmasidagi davr oxiriga bo’lgan mablag’ qoldig’i keyingi ko’chirmaning davr boshlanishiga bo’lgan mablag’ qoldig’iga teng bo’lishi lozim. Qo’chirmalar haqiqiyligi undagi barcha rekvizitlarni tekshirish yo’li bilan aniqlanadi. Agar qo’chirmada kelishilmagan to’g’rilashlar va o’chirib yozishlar mavjud bo’lsa, ushbu ko’chirmalarni g’aznachilik bo’linmalari yoki bank muassasasidagi shaxsiy hisobvaraqning birinchi nusxasidagi yozuvlarga muvofiqligini muqobil tekshiruvini o’tkazish kerak. Agar ayrim ko’chirmalar mavjud bo’lmasa, bu holda g’aznachilik bo’linmalari yoki bank muassasalariga murojaat qilish lozim. Tekshiruvchi g’aznachilik bo’linmalari yoki bank orqali o’tkazilgan barcha muomalalar haqiqiyligi va tegishli asl nusxadagi hujjatlar bilan tasdiqlanganligiga ishonch hosil qilishi lozim. Agar hujjatlar asl nusxada ekanligiga shubha tug’iladigan bo’lsa (bank tamg’asi bosilmagan, o’tkazilgan summalar, pul oluvchining nomi yoki muomala sodir etilgan sana to’g’rilab yozilgan bo’lsa), g’aznachilik bo’linmalari yoki bank muassasasida yoki hamkorda muqobil tekshiruvni o’tkazish kerak. Tekshiruvchi qonunga zid holda muomalalar amalga oshirilishi mumkinligini (shartnomalarsiz, tovarsiz to’lov uchun hisobvaraqlar bo’yicha va boshqalar), puli to’langan tovar-moddiy boyliklar to’liq va o’z vaqtida kirim qilinganligini, ssudalar olishda va zayomlar berishda hujjatlar haqiqiyligini, akkreditivlar bilan amalga oshirilgan muomalalar to’g’riligi va qonuniyligini aniv;lashi lozim. Xaridordan olingan tushumlar daromadlar bo’yicha hisobvaraq ko’rsatkichlari va boshqalar bilan solishtiriladi. Ijara sharnomasi bo’yicha boshqa debitorlardan pul tushumi, yordamchi xizmatlardan daromadlar va boshqalar ko’chirmalardagi va unga ilova qilingan hujjatlardagi ko’rsatkichlar yordamida tekshiriladi. Shuningdek, pul mablag’lari kirim qilinishi bo’yicha hisobvaraqlar korrespondentlanishi, budjetdan tashqari mablag’lar yuzasidan kirim qilingan tushum, bo’naklar va boshqa summalar o’z vaqtida ajratib ko’rsatilganligi aniqlanadi. G’aznachilik bo’linmalari yoki bankdagi hisobvaraqlardan pul mablag’larini ko’chirish muomalalarini nazorat qilish bankdan olingan naqd pul kassaga o’z vaqtida va to’liq kirim qilinganligini, mol etkazib beruvchi va boshqa kreditorlar hisobvaraqlari bo’yicha mablag’lar o’tkazilganligini auditor aniqlaydi. Shaxsiy hisob varaqlar bo’yicha muomalalar nazoratini o’tkazish tartibi yo’ldagi pul mablag’lari hisobi hisobvaraqlari bo’yicha muomalalar haqqoniy va qonuniy amalga oshiriltanligini aniqlaydi. Ayrim hollarda, muddati o’tgan debitorlik qarzlarni asossiz ushbu hisobvaraqlarga o’tkazadilar, bu esa, o’z navbatida, hisobot shakllarini buzib ko’rsatishga olib keladi. Pul mablag’larini hisobga olishga mo’ljallangan hisobvaraqlarning debeti bo’yicha yozuvlarni solishtirib, bankdagi tegishli hisobvaraqlarga pul mablag’lari (yo’ldagi pul o’tkazishlar) o’z vaqtida va to’liq o’tkazilganligi aniqlanadi, shuningdek, kassadagi naqd pul kamomadi yoki ayrim mansabdor shaxslar tomonidan o’zlashtirilgan naqd pul summalari yo’lda bo’lgan pul summalari ichida hisoblanayotganligi ham aniqlanadi. Tekshiruv jarayonida xarajatlarni hisoblanishi va kassa ijrosini amalga oshirilishi 294-son shakl “Kassa va xaqiqiy xarajtlar” nomli daftarda hisobini yuritilishiga e’tibor qaratiladi. Ushbu daftarda hisobga olingan kassa va xaqiqiy xarajatlar moddalari bo’yicha ko’rsatkichlar buxgalteriya schyotlariko’rsatkichlari bilan taqqoslanadi, ya’ni sintetik va analitik hisobning mosligi aniqlanadi. M’lumki, O’Zbekiston Respublikasi Vazirlar maxkamasining 1999 yil 3 sentyabrdagi 414-sonli “Budjet tashkilotlarini mablag’ bilan ta’minlash tartibini takomillashtirish to’g’risida”gi qaroriga movofiq budjetdan mablag’ oluvchilarni davlat budjetidan xarajatlarni to’rt guruhi bo’yicha moliyalashtirish tartibi belgilangan: 1. ish xaqi va unga tenglashtirilgan to’lovlar (bolali oilalarga nafaqalar va kam ta’minlangan oilalarga moddiy yordam hamda boshqalar); 2. ish xaqiga qo’shimchalar; 3. kapital qo’yilmalar (davlat investitsiya dasturida nazarda tutilgan manzilli ro’yhatlarga movofiq); 4. boshqa xarajatlar (oziq-ovqat, dori-darmon, kommunal xizmatlar va boshqa xarajatlar). Tekshiruv jarayonida alohida e’tibor qaratilishi kerak bo’lgan holatlardan biri bu – birinchi va ikkinchi guruhlar bo’yicha xarajatlar to’lovi birinchi navbatda amalga oshirilishi kerakligi hamda birinchi guruh xarajatlarini ikkinchi guruh xarajatlari to’lovisiz amalga oshirilishini ta’qiqlanishidir. Tegishli budjet bo’yicha birinchi va ikkinchi guruh xarajatlari to’lovi uchun g’azna hisobvaraqlarida zarur mablag’larni qoplaydigan qoldiqlar mavjud bo’lganda birinchi va ikkinchi guruh xarajatlarni to’liq amalga oshirgan tashkilotlar bo’yicha to’rtinchi guruh xarajatlari to’lovini amalga oshirishga ruxsat etiladi. To’rtinchi “Boshqa xarajatlar” bo’yicha mablag’larning sarflanishi o’rnatilgan limitlar doirasida quyidagi tartibga rioya qilgan holda amalga oshiriladi: - ovqatlantirish; - dori-darmonlar; - kommunal xizmatlar; - boshqa xarajatlar. Bunda o’rnatilgan limitlarni xaqqoniyligi, sarflanish uchun asos bo’lagan xujjatlarning rasmiylashtirilishi alohida nazoratga olinadi. G’aznachilik bo’linmalari g’azna hisobvaraqlaridan to’lov topshiriqnomalar asosida tashkilot va muassasalarni saqlash, markazlashtirilgan tadbirlarni o’tkazish, kapital qo’yilmalar va boshqa maqsadlar uchun to’lovlarning tasdiqlangan xarajatlar smetasi va kapital qo’yilmalar limitlariga amal qilinganligi taqqoslash yo’li bilan tekshirib chiqiladi. Budjet mablag’lari hisobiga birinchi va ikkinchi guruh xarajatlari bo’yicha moliyaviy majburiyatlar ish xaqi va unga tenglashtirilgan xarajatlar to’lovi uchun naqd pul mablag’larini olishga asos bo’lgan so’rovnoma va to’lov- topshiriqnomalari asosida ro’yhatga olinishi alohida nazoratdan o’tkaziladi. Uchinchi guruh xarajatlari bo’yicha moliyaviy majburiyatlarning qabul qilinishi pudratchilarning ish bajarganligini tasdiqlovchi hisobvaraq fakturalar asosida tekshiriladi. Tekshiruv jarayonida pul mablag’larini o’tkazish uchun quyidagi holatlarni to’g’ri amalga oshirilganligi tekshiriladi: - to’lov-topshiriqnomasida budjet tasnifining tegishli kodlari, shartnoma, hisobvaraq faktura, avans miqdori va boshqa rekvizitlar to’g’ri ko’rsatilganligi; - qurilishning tasdiqlangan manzili va titul ro’hatlari asosida tegishli ob’ektlar bo’yicha shaxsiy g’azna hisobvaraqlaridagi mavjud ajratilgan budjet mablag’lari summalari doirasidaligi; - agar to’lov-topshirinomasida ko’rsatilgan summa g’aznachilik bo’linmasida ro’yhatga olingan shartnomaga asosan oldin o’tkazilgan mablag’larni hisobga olgan holda to’lanishi lozim bo’lgan pul mablag’laridan oshmasligi; - byurtmachining pudratchi oldidagi kreditorlik qarzining mavjudiligini tasdiqlovchi hisobvaraq faktura va xujjatlar yoki byurtmachining pudratchiga avans to’lovlarini o’tkazishi lozimligini tasdiqlovchi xujjatlarning mavjuligi; - to’lov-topshiriqnomasida ko’rsatilgan pudratchining nomi va rekvizitlari sharnomada ko’rsatilgan pudratchining nomi va rekvizitlariga muvofiqligi. Bajarilgan ishlar uchun xarajatlar to’lovi, jumladan avans to’lovlarining to’lanishi o’rnatilgan tartibda rasmiylashtiriladi. Bunda, to’lovni o’tkazishga asos bo’lgan xujjatlar sinchkovlik bilan tekshiriladi va to’lovning maqsadga muvofiqligi aniqlanadi. Uchinchi guruh xarajatlarini tekshirganda budjet tashkilotlarida alohida kapital qurilish bo’limlarini tashkil qilishi mumkin. Bunda, bu bo’limlar yuzasidan buxgalteriya hisobining tashkil qilinishi manzilli ro’yhatlarga muvofiq amalga oshirilayotgan qurilish ishlarini xujjatlashtirilishi va tuzilayotgan shartnomalar bo’yicha baholarni asoslaganligi aniqlanishi kerak. To’rtinchi guruh xajatlari bo’yicha moliyaviy majburiyatlar mol etkazib beruvchilarning hisobvaraq fakturalari yoki tovarlar etkazib berilganligini (ishlar bajarilganligini, xizmatlar ko’rsatilgangiligini) tasdiqlovchi boshqa xujjatlar yoki budjetdan mablag’ oluvchilarning mahsulot etkazib beruvchiga budjet (budjetdan tashqari) mablag’larni (shu jumladan, avans to’lovlarini) o’tkazishi lozimligini tasdiqlovchi boshqa xujjatlar asosida qabul qilinadi. G’aznachilik bo’linmasida budjetdan mablag’ oluvchilarning to’lov- topshiriqnomalari asosida g’azna hisobvaraqlaridan to’rtinchi guruh xarjatlari bo’yicha xarajatlarni budjetdan mablag’ oluvchilarning xarajatlar smetalarining tegishli moddalarida nazarda tutilgan ajratilgan budjet mablag’lari limit doirasida amalga oshiriladi. Budjetdan mablag’ oluvchilarning xarajatlari to’lovi to’lov- topshiriqnomalari bilan amalga oshiriladi va bunda quyidagi talablarga rioya etilganligini aniqlash kerak: - budjetdan mablag’ oluvchilarning to’rtinchi guruh xarajatlarini tegishli moddalari bo’yicha budjet mablag’lari qoldiqlari summalari doirasida ekanligi; - agar to’lov-topshiriqnomasida ko’rsatilgan summa g’aznachilik bo’linmasida ro’yhatga olingan shartnomaga muvofiq to’lanishi lozim bo’lgan pul mablag’lari summasidan oshmasligi; - hisobvaraq faktura yoki tovar (ish, xizmat)lar ektazib berilganligini tasdiqlovchi boshqa xujjatlar mavjud bo’lganda va budjetdan mablag’ oluvchining mahsulot etkazib beruvchi oldidagi qarzdorligini, shuningdek, byudjedan mablag’ oluvchini mahsulot etkazib beruvchiga budjet(budjetdan tashqari) mablag’larini o’tkazishi lozimligini tasdiqlovchi xujjatlar mavjudligi; - to’lov-topshiriqnomasida ko’rsatilgan mahsulot etkazib beruvchining, shaningdek, budjetdan mablag’ olvchining nomi va rekvizitlari shatnoma va hisobvaraq fakturada yoki tovar (ish, xizmat)lar etkazib berishni tasdiqlovchi boshqa xujjatlarda mahsulot etkazib beruvchining, shuningdek, budjetdan mablag’ oluvchining nomi va rekvizitlariga muvofiqligi. Yuqorida keltirilgan holatlar g’aznachilik bo’linmalari tomonidan ham to’lovni amalga oshirish uchun xujjatlarni qabul qilish jarayonida nazoratga olinadi. Tekshiruv o’tkazish davomida barcha xarajatlarni amalga oshirilganligini tasdiqlovchi xujjatlar, xarajatlarning asoslanganligi sinchkovlik bilan o’rganiladi va tahlil qilinadi. Yüklə 2,32 Mb. Dostları ilə paylaş:
|