Conference Paper · March 023 citations reads 163 authors

Key words:
Environmental risks, risk classification, structure, accidents and disasters, safety, 
production risks. 
Son dərəcə dəyişkən və inkişaf edən iş dünyasında müəssisədən onlar üçün təhlükə yaradan geniş 
spektrli risklərlə məşğul olmaq tələb olunur. Bu məqsədlə son zamanlar istehsalda ekoloji problemləri fəal və 
şüurlu şəkildə tənzimləmək tendensiyası müşahidə olunur. Təqdirə layiq haldır ki, son dövrlər menecerlər 
ekoloji risklərin vaxtında müəyyən edilməsinin və idarə olunmasının faydalarını müəssisə rəhbərlərinə 
inandıra bilmişlər. İctimaiyyətin artan rolu isə zavodda ekoloji təhlükəsizlik və əməyin mühafizəsi sahəsində 
risklərin idarə edilməsi prinsiplərinin tətbiqinə töhfə vermişdir. 
Ekoloji risk ekoloji təhlükə ölçüsünə aiddir, ekoloji təhlükənin kəmiyyət və ya keyfiyyət ifadəsidir 
(Кривошеин, Дмитренко, Федотова, 2015: s.27). Sahibkar öz fəaliyyəti zamanı qəbul etdiyi hərəkətlərdən 
və qəbul edilən qərarlardan asılı olan mümkün riskləri qabaqcadan görməlidir. 
Bu gün riskologiya XXI-ci əsrin elmidir, həm müəssisədə, həm də insanların gündəlik həyatında 
planlaşdırma, proqnozlaşdırma sahəsində qiymətləndirmə, mümkün fəsadlar, eləcə də hər cür fəlakətlərlə sıx 
bağlı olan elmdir. İndiki cəmiyyətdə bizə elə gəlir ki, hər kəs riskdən xəbərdar olmalıdır. “Risk” anlayışı hər 
yerdə baş verən neqativ hadisələrin baş vermə ehtimalı ilə müşayiət olunduğu üçün əlverişsiz mühitdə insan 
və cəmiyyət üçün qaçılmaz reallığa çevrilmişdir. Buna görə də, bütün dünya ölkələri qəza və təbii fəlakətlərdən 
sonra riskləri azaltmaq və nəticələrini yumşaltmaq üçün müxtəlif yollar hazırlamağa çalışır. 
Elmi-texniki və elmi ədəbiyyatda risk haqqında ümumi anlayış yoxdur. “Risk” anlayışının 
öyrənilməsinə mühüm töhfələr bir sıra alim və müəlliflər tərəfindən verilmişdir: F.B.Eminov, İ.B.Xəlilov 
(Eminov, Xəlilov, 2016). Ə.H.Hacıyev, F.B.Eminov, İ.B.Xəlilov (Hacıyev, Eminov, Xəlilov, 2017), G.M. 
Kutlyeva, V.B. Alekseenko, O.N.Kusakina, S.S. Timofeeva, E.N. Kamenskaya və s. ədəbiyyatlarda “risk” 
anlayışının bir sıra şərhləri mövcuddur (Риск-менеджмент, 2016; Фирсова, 2014; Тимофеева, 2014). 
E.N.Kamenskaya görə risk təhlükənin təzahürü ehtimalını və ya tezliyini və onun həyata 
keçirilməsinin nəticələrini göstərən təhlükə ölçüsüdür (Каменская, 2018). 
S.S.Timofeyevaya görə risk həmişə situasiyada tam aydınlıq və əminlik olmadığı hallarda ortaya çıxır 
və gecikmədən qərar vermək və hərəkətə keçmək lazımdır (Тимофеева, 2014). 
A.N.Fomiçevə görə risk, maliyyə-təsərrüfat fəaliyyətinin həyata keçirilməsi şəraitində qeyri-
müəyyənlik şəraitində gəlir və ya kapitalın itirilməsi şəklində mənfi nəticələrin baş vermə ehtimalıdır (Риск-
менеджмент, 2016). 
Buna görə də, yuxarıda göstərilən təriflərdən, bizim fikrimcə, riskin tərifinin vizual təsviri var.

---

"