Cyki (Cinsi yolla keçən infeksiyalar)

Patogenez

İnfeksiyanın mənbəyi – xəstə insan .

Sifilisin / infeksiyanın ötürülmə yolları :

• 
  cinsi
  
• 
  transplasentar (anadan dölə cift vasitəsilə ötürülmə – anadangəlmə sifilis )
  
• 
  hemotransfuzion (sifilisin istənilən mərhələsində olan xəstədən donor olaraq qan köçürmədə)
  
• 
  məişət (nadir hallarda )
  
• 
  peşə ilə bağlı (akuşer – genekoloq , cərrahlar , stomatologiya , patoloji anatomiya , laborantlar və başqaları ).
  

T. pallidum orqanizmə dəri və selikli qişalardakı bir o qədər hiss edilməyən , nəzərə çarpmayan zədələnmələrdən ( giriş qapısı ) daxil olur . Dəri – selikli qişa baryerini aşan T. Рallidumun orqanizmdə əsas yayılma yolları perinevral (epi -, peri- və endonevral bura daxildir) , limfatik və qan –damar sistemidir .

Sifilisdə infeksiyanın davam etdiyi müddət ərzində immunitet , qeyri – steril (infeksion) immunitet əmələ gəlir və solğun treponemaların orqanizmdən çıxması anına qədər mövcud olur .Sifilisdə anadangəlmə immunitet iştirak etmir , qazanılmış immunitet inkişaf etmir .

Sifilisdəki immunitetin xüsusiyyətləri bu anlayışlarla əlaqəlidir , beləki

• 
  reinfeksiya –keçmişdə xəstələnmiş və sağalmış şəxslərin yenidən sifilisə yoluxması
  
• 
  superinfeksiya – sağalmamış xəstənin yenidən sifilisə yoluxması , bu zaman solğun treponemalardan azad olmamış orqanizmə yeni “hissəsi “ daxil olur , olan sifilisə yeni sifilis infeksiyası qatı yığılır və orqanizm yeni yoluxmaya hal – hazırda olan mərhələyə uyğun səpgilərlə cavab verir .