D. Djanabayev, Sh. Murodov, A. Xolmurzayev chizma geometriya

7.3-§. Tekis egri chiziqning egriligi

Qo’shni yarim urinmalar orasidagi  burchakni ular orasidagi s yoy uzunligiga nisbatining limiti egri chiziqning egriligi deyiladi (7.8-rasm). Egrilikni K bilan belgilasak, u quyidagicha ifodalanadi:
.

7.8-rasm 7.9-rasm


Bunda  burchak qancha katta bo’lsa, egri chiziq shuncha ko’p egilgan va, aksincha, qanchalik kichik bo’lsa, egri chiziq shuncha kam egilgan bo’ladi. Egrilik qiymati egri chiziqning har bir nuqtasida har xil bo’ladi. Aylananing hamma nuqtasidagi egrilik bir xildir, to’g’ri chiziqda esa egrilik nolga teng. Har qanday egri chiziqning egriligi aylana yordamida aniqlanadi. Bu aylana egri chiziqdagi cheksiz yaqin uchta 1, 2, 3 nuqtalardan o’tadi. Uning radiusi, egrilik radiusi, markazi esa egrilik markazi deyiladi. Egrilik radiusi R va egrilik miqdori k o’zaro teskari proporsionaldir: k=1/R, ya’ni egrilik radiusi R qancha katta bo’lsa, k egrilik shuncha kichik va, aksincha, egrilik radiusi qancha kichik bo’lsa k egrilik shuncha katta bo’ladi. Masalan, to’g’ri chiziqda egrilik radiusi cheksiz katta bo’lganligi tufayli egrilik nolga teng.