Onomastika, Dialektologiya, Etimologiya də nəzərə alaq ki, «insan» anlayışı bildirən sözün sonradan etno-
nim kimi işlənməsi geniş yayılmış dil təzahürüdür və dil univer-
salisi hesab oluna bilər (38, s. 6-12). Əgər bu fikirləri qəbul et-
miş olsaq, o zaman çigil sözünün «insanlar» anlamında olmasını
söyləyə bilərik.
Ediz. Bu etnonim KT şm 5,6-da qeydə alınmışdır. Ediz doq-
quz oğuz siyasi ittifaqına daxil olan türk tayfalarından biridir.
F.Sümerə görə, edizlər daha əvvəllər altı oğuzlarla qonşuluqda,
Kemçik çayı hövzəsində, əsasən Çirğak bölgəsində yaşayırmışlar
(27, s. 31). 1590-cı ildə Rəvan əyalətinin Karbi nahiyəsində bir
kənd Ədis adlanırdı (6, s. 246). Kutaisi quberniyasının Leçxum
qəzasında (indi Mesti rayonunda) bir kənd Adişi adlanırdı ki, bu-
nun da əsli Edişədir. Azərbaycanda Hadrud və Cəlilabad rayonla-
rında Edişə, Qars əyalətinə Edişa kənd adları ilə mənşəcə eynidir.
XIX əsrdə Şimali Qafqazda noqaylar içərisində Edişə tayfası var-
dı. Çav rayonunda bir kənd isə Ediva adlanır. Bu da qədim türk
mənşəli Edişa tayfasının adındandır. Mənşəcə oğuzların Ediz qo-
lunun adı ilə bağlıdır (7, s.109, 181). Bu etnonimin etimologiyası
aydın deyildir, ona görə də əlavə araşdırma tələb edir.
