D. R. Abdikarimova, G. M. Bekimbetova
Yüklə 0,77 Mb. Pdf görüntüsü
|
|
1.4. XALQARO STANDARTLAR
Buyuk Britaniyada baholovchilar faoliyati boshqaruvi. Buyuk Britaniyada baholovchi kasb egalarining faoliyati davlat tomonidan boshqarilmaydi. Har qanday shaxs biznes va ko‘chmas mulkni baholash bilan shug‘ullanishi mumkin. Bu holat odamlarning o‘z kompetentligi va muomala qoidalariga rioya qilishi bilan o‘z xizmatlarini reklama qilish imkonini beradi. Bu esa kasaba tashkilotlari tomonidan amalga oshiriladi va ular orasidagi 27 peshqadamlardan biri ko‘chmas mulk bo‘yicha sertifikatlangan qirollik jamiyati mutaxassislaridir. Ushbu jamiyatlarga imtihonlardan o‘tib tajribali mutaxassis nazorati ostida muayyan muddat mobaynida amaliy ishlagandan so‘nggina a’zo bo‘lish mumkin. Faqatgina tegishli kasaba uyushmasi a’zosi hisoblanadigan malakali baholovchi tomonidan imzolangan hujjatlarga asl baholash hujjatlari sifatida katta ishonch bildiriladi va ular qabul qilinadi. Buyuk Britaniyada baholovchilarning shahodat qilmasligi va ularga litsenziya berilgani tufayli baholash standartlari ham belgilanmagan. Biroq baholash standartlari mamlakatda 1970-yillardan beri qo‘llanilib kelinmoqda. Lekin ular hukumat tomonidan emas, balki nodavlat kasaba birlashmalari tomonidan ishlab chiqilgan. Baholash standartlari dastlab 1970-yillarda ta’riflangan, o‘sha yillar Britaniya ko‘chmas mulk bozorida ko‘tarilgan shov-shuvlar oqibatida ko‘chmas mulk narxi birdan oshgan, so‘ngra esa tushib ketgan. Shov-shuvlar vaqtida ko‘chmas mulkni (egalik qilish uchun) xarid qilganlar yoki ijaraga olganlar shov-shuvlar tinchib ularning ko‘chmas mulkining narxi tushib ketgandan keyin ular tomonidan baholash sifati masalasi ko‘tarilgan. 1971-yilda ko‘chmas mulk bo‘yicha sertifikatlangan qirollik jamiyati mutaxassislari molk- mulkni baholash standartlar bo‘yicha qo‘mita tashkil qildi va mol- mulk obyektlarini baholash bo‘yicha qisqa qo‘llanma nashr etdi. Shu zayl 1976-yil «Qizil kitob» nashrdan chiqdi va unga 1981 va 1990-yillarda tegishli o‘zgartirish va qo‘shimchalar kiritildi. 1980-yil «Qizil kitob»da muhokama qilinmagan masalalarni o‘z ichiga qamrab olgan «Oq kitob» nashrdan chiqdi. 1996-yilda esa ikki kitobni jamlagan «Baholashlar bo‘yicha qo‘llanma» chop etildi va ushbu risola doimiy tarzda takomillashib bormoqda. Qo‘llanma har bir sohada faoliyat yurituvchi baholovchilar uchun majburiy bo‘lgan qator amaliy nizomlarni o‘z ichiga oladi, 28 masalan: foydali qazilmalarga ega yerlarni, pensiya jamg‘armalari yoki kompaniyalarning moliya bo‘linmalarini baholash bilan shug‘ullanayotgan mutaxassislar uchun. Baholash uslubiyotida baholash bazislari tushunchasi muhim o‘rin egallaydi. Ma’lum baholash standartlarini tahlil qilib baholashning quyidagi ikki bosh bazisini keltirib o‘tamiz. Asosiy va aksar ishlatiladigan baholash bazisi – bu bozor qiy- mati hisoblanadi. Bozor qiymati ta’rifida belgilangan xossalardan bitim shartlari og‘ishi kuzatilganda bozor bahosi bo‘lmagan bosh- qasi qo‘llaniladi. Xalqaro tajriba va standartlardan o‘rnak olgan holda (mol- mulk toifasi, nazarda tutilgan operatsiya va har xil chekla- malardan kelib chiqib) baholash bazislarining yanada mu- fassal ro‘yxatiga bozor qiymati; joriy ishlatilishdagi bozor qiymati; qayta tiklashda to‘liq qiymati; qayta tiklashda qoldiq qiy- mati; o‘rnini to‘ldirishda to‘liq qiymati; o‘rnini to‘ldirishda qoldiq qiymati; joriy korxonaning qiymati; investitsion qiymat; sug‘urta qiymati va boshqa qiymatlar. Amerikada baholash faoliyati. Amerikada hozirgi kunda mulk- ni baholash bilan tajribali, yuqori malakali, maxsus tayyorlangan mutaxassislar shug‘ullanishadi. Lekin o‘z vaqtida Amerikada ba- holovchilarning professional tayyorgarliklari juda past darajada bo‘lgan. Amerikada ko‘chmas mulkni baholovchilar qoidaga ko‘ra biznesni, intellektual mulkni baholash bilan shug‘ullanishmaydi. Ko‘chmas mulkni baholovchilarning o‘zini ham tor guruhlarga ajratish mumkin. Joylashgan joyiga qarab ixtisoslashgan (masalan, G‘arbiy Los-Anjeles yoki Kaliforniyadagi Santa-Barbara), bahola- nadigan obyektiga qarab ixtisoslashgan (masalan, faqat mehmon- xonalarni, kichik omborlarni, parklarni yoki uylarni). Bundan tashqari, daromad olib keluvchi mulkni baholovchilar va daromad olib kelmaydigan mulkni baholovchilar ham mavjud. Federal qonunlarning qabul qilinishi shtat hukumati tomoni- dan baholash faoliyatini litsenziyalashni majburiy qilib qo‘ydi. Bu 29 qonunlardan oldin baholash faoliyati professional baholovchilar jamiyatlari tomonidan tartibga solinib, nazorat qilib turilgan. Bun- day jamiyatlar Amerikada juda ko‘p, lekin ular orasida o‘zining yuqori professionallik darajasi bilan faqat uchtasi ajralib turgan, ya’ni: 1. «Ko‘chmas mulkni baholovchi Amerika instituti» – daromad keltiruvchi ko‘chmas mulkni baholovchilar. 2. «Ko‘chmas mulkni baholovchilar jamiyati» – daromad keltirmaydigan ko‘chmas mulkni baholovchilar. 3. «Amerika baholovchilar jamiyati» – mashina va uskunalarni baholovchilar. AQSHda ko‘chmas mulkni baholash – sherikchilik huquqiy shakliga ega bo‘lgan, unchalik ko‘p bo‘lmagan baholovchi kompaniyalarning faoliyat turidir. Bunday firmalar ko‘p hollarda bitta yoki ikkita sheriklar orasida tuziladi va ularda, odatda, 3–10 tagacha baholovchi faoliyat yuritadi. Ushbu bozorda bu firmalar bi- lan birgalikda boshqa yirik korxonalarga tegishli bo‘lgan baholash korxonalari ham faoliyat yuritishadi. Masalan, «Cushman & wake- field» yoki «CB Commersial» katta bir brokerlik firmasining baho- lash bo‘limi hisoblanadi. Odatda, ular yirik loyihalarni baholashadi, agar zarur bo‘lsa chetdan investorlarni yoki Wallstreet dan «yirik kapital» jalb qilishadi. Baholashda omad yoki omadsizlikka uchrashi baholovchining to‘g‘ri axborotlarni, ma’lumotlarni yig‘ishiga bog‘liq bo‘ladi. Daromad keltiruvchi ko‘chmas mulkni baholashda kerak bo‘ladigan zaruriy axborotlarni Comps Inc. kompaniyasi orqali olish mum- kin. Ushbu tijorat firmasi sanoat obyektlari, ofis binolari, mehmonxonalar, savdo obyektlari hamda maxsus obyektlar to‘g‘risidagi ma’lumotlarni taqdim etadi. Ma’lumotlar har ikki haftada buyurtmachining pochtasiga jo‘natilib turiladi. Baholovchi uchun aniq ma’lumotlarni olishning boshqa yo‘li brokerlik va rieltorlik firmalari hisoblanadi. Ushbu firmalar daromad keltiruvchi ko‘chmas mulk bozoriga ixtisoslashgan bo‘lishadi, obyektlarning 30 oldi-sotdisi, shartnomani moliyalashtirish shartlari, arenda to‘lovlari haqida barcha haqqoniy ma’lumotlarga ega hisoblanishadi. Baholashning professional me’yorlari – baholash amaliyotining professional standarti bo‘lib, baholovchilar faoliyatini baholash maqsadida professional tashkilotlar va davlatlar tomonidan ishlab chiqilgan. Ushbu standartlarni bilish baholovchilarga yagona bo‘lgan terminologiyani va baholash metodlarini qo‘llashga imkon beradi. Mulkni baholash klassik va zamonaviy iqtisodiyotning ildizlariga borib taqaladi. XX asrning 40-yillariga kelib ko‘p mamlakatlarda bir-birinikiga o‘xshash bo‘lgan baholash usullari va tamoyillari yaratila boshladi, lekin aynan XX asrning ikkinchi yarmiga kelib, baholashga nisbatan professional yondashuv paydo bo‘ldi. Hozirgi kunga kelib, turli mamlakatlar iqtisodiyotining globallashuvi va integrallashuvi tufayli xalqaro standartlar har doimgidan ham dolzarb muammoga aylandi. Shuning uchun xalqaro standartlar o‘rganilganda har bir mamlakatning o‘ziga xos xususiyatiga e’tibor berish kerak bo‘ladi. Har bir baholash metodining maqsadi erkin bozorda bemalol sotiladigan mulkning kutilayotgan qiymatini aniqlashdir. Shuning uchun model mulk xaridori va sotuvchisi obyektning bozor qiymatini qanday baholashini aks ettirishi lozim bo‘ladi. Baholashning xalqaro standartlari baholash standartlari bo‘yicha xalqaro qo‘mita (IVSC) tomonidan ishlab chiqiladi. Ushbu qo‘mita xalqaro tashkilot bo‘lib, 1981-yilda tashkil topgan va o‘zida 50 dan ortiq mamlakatlarning professional baholovchilar tashkilo- tini birlashtiradi. AQSHda ham, Yevropada ham ushbu baholash standartlari yoki normativlari mustahkam qonunlar to‘plami sifatida qaralmaydi. Shuning uchun IVSCning asosiy maqsadi barcha davlatlar qo‘llay olishi mumkin bo‘lgan xalqaro standartlarni ishlab chiqishdir. Xorijiy mamlakatlar, jumladan, MDH davlatlari ichida Rossiya uchun davlatga bozor yo‘nalishlarining rivojlanishiga ko‘plab 31 iqtisodiy muammolar taalluqli. Ularning ko‘plari nostandart va o‘ziga xos. Bu, birinchi navbatda, biznesni baholash muammosiga tegishli. Inqiroz davrida asosiy e’tibor zamonaviy mutaxassislikni tushunishga qaratilgan. Har qanday tashkilotni to‘g‘ri boshqarishni talab etadi. Asosiy maqsad menejerlarga o‘ziga xos fikrlashni o‘rgatish, har bir boshqaruv xulosasi har tomonlama o‘ylangan, kompaniya qiymatining oshishiga zamin yaratib berish. Jamg‘arma bozori rivojlangan joyda, kompaniyaning bozor qiymati real baholanadi. Rossiyada hali bunday emas, lekin obyektiv biznesni baholash bozorining asosida jiddiy tahlillar yotadi. Tabiiyki, bugungi kunda Rossiyaning real tahlillari aniq emas. Shuningdek, bizning davlatda har doim ham tashkilot bahosi va aktiv materiallar bahosi doimo teng bo‘lmaydi. Bizda tashkilotlar rivojlanishi aniq strategiyalar asosida bo‘ladi va keyinchalik biznes qiymatining o‘zgarishiga bog‘lanib qolmaydi. Tahlillar shuni ko‘rsatadiki, jamg‘arma bozorlari narxining o‘sishiga har xil munosabat bildiradi. U, asosan, uzoq muddatli omilga tayanadi. Jamg‘arma bozori shunga e’tibor beradiki, masalan, biotexnologiya yo‘nalishida kompaniyaning paydo bo‘lishi uchun unga uzoq muddatli, istiqbolligini inobatga olishadi. Demak, bozor faqat foyda keltiruvchi aksiyalarga tayanib qolmaydi. Bozor tashkilot hozirgi va kelayotgan belgilangan foydani buzmasligini talab qiladi. Korxonalar qo‘shilishi natijasida har doim ham qo‘shilgan korxonalar narxi oshmaydi. Bu yerda nafaqat chuqur tahlil, balki qo‘shilish rejasi chuqur o‘rganilishi kerak. Eng asosiy tomoni shundaki, Rossiyada ko‘chmas mulk bozori rivojlanishi natijasida baholovchi kasbi paydo bo‘ldi. Baholovchi yechishi lozim bo‘lgan asosiy muammolar baholashga bog‘liq. U oldi-sotdi shartnomasida asosiy o‘rinni egallaydi. Baholovchining asosiy mijozi davlat hisoblanadi. 32 Hozirgi kunda oddiy fuqaro ham mijoz bo‘la oladi. Ular yerning qiymatini baholash uchun kvartira hamda dala hovlilarni sug‘urta qilish uchun murojaat qilishadi. Ko‘chmas mulkning oldi- sotdi shartnomasi nafaqat ixtiyoriy, balki majburiy ham bo‘lishi mumkin. Mutaxassis bahosi nafaqat asosiy muammolarni, balki oldi-sotdi, ijara va ko‘chmas mulkni qaytib kredit olishga yordam beradi. Baholash sug‘urta vaqtida ham qo‘l keladi, bu mulkning qiymatini belgilab beradi. Ajrim vaqtida mulkning bo‘linishida ham baholovchining o‘rni alohida ahamiyat kasb etadi. Shunday ekan, bozor iqtisodiyotida baholovchining o‘rni, boshqaruvi, moliyaviy menejerlik faoliyati juda o‘rinli. Rossiyadagi baholash faoliyatining metodologik asoslari o‘ziga xos xususiyatlarga ega. Rossiya Federatsiyasi Xalqaro baholash standarti qo‘mitasining (XBSQ) a’zosi hisoblanadi 1 . Xalqaro baholash standartining kirish qismiga kiritilgan XBSQ materiallari: Xalqaro baholash standartining qo‘mitasi masalalari ikkilamchi xarakterga ega: – baholash standartlarini mulk narxini baholash va uni dunyo bo‘yicha qo‘llash uchun ishlab chiqish va jamoat ehtiyojidan kelib chiqqan holda chop (nashr) etish mumkin bo‘lsa, turli mamlakatlar standartlarini uyg‘unlashtirish, standartlarni qo‘llashda va shakllantirishda farqlikni aniqlash. Xalqaro baholash standartlari umumiy qabul qilingan tamoyil va baholash tushunchasi kabi mashhur bo‘lgan baholash kasbiga kiritilgan yoki eng zo‘r amaliyotni taqdim etadi. Taxmin qilinadiki, XBSQ a’zolariga tegishli xalqaro baholash standarti va milliy standartlar bir-birini to‘ldirib, qo‘llab-quvvatlashi kerak. XBSQ shakllantirish yoki milliy va xalqaro baholash standartlari farqlarini ochib berishga jonbozlik qilmoqda. Xalqaro baholash standartlari shunday yo‘l-yo‘riqlarni talab etadiki, mahalliy amaliyot milliy yo‘naltirishdan farqlanishi kerak. 1 www.gold-disk.ru 33 Ajralish holatlari bor joyda, amaliyot olib borayotgan mutaxassislar qiymatdagi farqlarni sonlarda ko‘rsatib va tushuntirib berishlari kutiladi. Metodologiyaning to‘liq o‘rganilishi va mulk yoki bozorlarning aniq turlarida qo‘llanilishida tegishli adabiyot hisoblanadi. Shu sababli XBSQ malakali baholovchilarni ularni butun faoliyati davomida qo‘llab-quvvatlaydi. Xalqaro baholash standarti baholovchilar nima qilishi kerakligini aytishadi, lekin aniq metodologiyalar qanday qo‘llanilishini tushuntirib berishmayapti. XBSQning tan olishicha, baholovchi har bir muammoning yechimiga qanday yondashishiga, ishga aloqadorligi va kerakli xulosalar chiqarishiga bog‘liq. Baholash amaliyoti kengashi natijasida mulk qiymatini baholash atamasi o‘rnini aktivlar qiymatini baholash atamasi egalladi, u moliyaviy hisobotlardan foydalanishda qo‘llaniladi. Boshqa sohalar standartlari, masalan, buxgalteriya hisoboti baholashda qo‘llanilishi mumkin. XBSQ baholovchilariga baho- lashda buxgalteriyadan foydalanishni tavsiya etadi. Baholovchi moliyaviy hisobot standartlari talablariga moliyaviy hisobot yoki boshqa buxgalteriya ilovalarini baholash faoliyati asosida rioya etishi shart. Ikkita standartlarda qarama-qarshilik yuzaga kelganda baholovchi bu holatni ochib berishi shart. So‘nggi ko‘rsatma judayam muhim, shu bilan birga qiyin. Chunki buxgalteriya hisobini isloh qilish butun dunyoda, shuningdek, Rossiyada milliy buxgalteriya standartlariga olib kelinishiga sabab bo‘ldi. Mavjud qo‘llanma «Baholash faoliyatining metodologiyasi Rossiya Federatsiyasi zamonaviy holati va baholash faoliyatining rivojlanishi» fondining texnik vazifalari asosida bajarilgan iqtisodiy tahlil byurosi» XBS va YBS to‘plamiga muvofiq 2000-yil Rossiya baholash standartini o‘z ichiga olgan. Rossiya tomonidan ushbu jamoaviy ish muhokama qilingan va ijobiy baholangan. Bu loyiha davlat organlari tomonidan o‘z vaqtida 34 va talab etilayotgan ish deb topildi. Rossiya mulkchiligiga taqdim etilgan materiallar loyiha mualliflari tomonidan quyidagi normativ hujjatlarni o‘z ichiga oladi: – RF baholash faoliyatining rivojlantirish konsepsiyasi; – tashkilotni baholash qiymati standarti; – ko‘chmas mulkni baholash standarti; – mashina va jihozlarni baholash standarti. Nomoddiy aktiv va intellektual salohiyatlarni baholash mezoni to‘g‘risida to‘xtalib o‘tish muhimdir. Quyida keltirilgan hujjatlar loyihalari ilova sifatida hujjatga kiritilgan, ular 2000-yil 6-aprelda o‘tkazilgan «Sohalararo kengash yig‘ilishi»da muhokama qilingan. Oxirgi jarayon Rossiyaning kichik mulki tashkil qilingan va mualliflik jamoasining asosiy bajaruvchi qismi «Baholash mezoni» ko‘chirma hujjatlar loyihasini tayyorlashga ruxsat berildi. Bu hujjat Sohalararo kengashning roziligidan keyin va Rossiya Federatsiyasi hukumati tomonidan o‘zgarishlar tasdiqlandi. Xalqaro va Yevropa me’yorlari tarkibiga mos keladigan bir qator umumiy va tashkiliy me’yorlarni o‘z ichiga oladigan ma’muriy va alohida yo‘nalishdagi baholash faoliyati. Bu bo‘limga kiradigan tayyorlangan loyiha ko‘rinishida to‘rtta boshqaruv hujjatlari ham huddi shunday tayyorlangan. Bu materiallardan terminlar bo‘limi istisno, bu savollar alohida adabiyot shaklida nashr etilgan. 2003-yildagi MSO va ESO islohat bo‘yicha ishlarni tasvirlash, Rossiyaning buxgalter hisobining MSFOga o‘tishi munosabati bilan yangi ma’lumotlarda Rossiya standartlari va boshqarish mulk qiymatini baholash bo‘yicha barcha bo‘lib o‘tgan o‘zgarishlarda aks etadi. Rivojlangan davlatlar tajribasi shuni ko‘rsatadiki, korxonalarning uzoq muddatli va mustahkam faoliyatini aniqlashda jamiyat va davlatni ijtimoiy-iqtisodiy rivojlantirishda narxning ijobiy dinamikasi yordam beradi. 35 Rossiyada bozor iqtisodiyoti paydo bo‘lishi natijasida biznesni baholash uchun texnologiyalardan foydalanish sezilarli darajada oshdi. Birinchi navbatda ko‘chmas mulk bozorining o‘sishi uning bozor qiymatini baholash talabini oshiradi. So‘ngra kredit, sug‘urta va ijara munosabatlarini rivojlantirish, ko‘chmas mulk, shuningdek, mashina va jihozlar oldi-sotdisi, biznes-rejalar ishlab chiqish, tashkilotlarning ko‘chishini va ajralishi, aksiya sotish uchun auksion hamda konkurslar o‘tkazilishi, bankrotlik va boshqa ko‘plab xo‘jalik amaliyotida yuzaga keladigan holatlar u yoki bu obyektlari aniq holatda ishonchli baholashga bo‘lgan ehtiyojni shakllantiradi. Kompaniya menejmentining yo‘l-yo‘riq va usullari qay darajada bo‘lishi – bu biznesni baholashda va tashkilotni kuzatishda yordam beradi, shu bilan birga tashkilotning bozordagi bahosi tushishining oldini oladi. «Rossiya Federatsiyasining huquqiy bazasini baholash faoliyati tahlil qilindi hamda biznes yo‘l-yo‘rig‘i va usullarini baholash qiymati umumlashtirildi. Bu kitob keng ommaga mo‘ljallangan» 1 . Rossiya Federatsiyasi iqtisodiyotida baholash faoliyatning o‘rni va vazifasi o‘ziga xos va o‘ziga mosdir. Rossiya iqtisodiyoti takomillashtirish, ya’ni bilim, tajriba va ma’lumotlardan foydalanishga bo‘lgan ehtiyojni aniqladi. Birinchi navbatda bu iqtisod, boshqaruv va huquqshunoslik sohalariga tegishli. So‘nggi yillarda Rossiya iqtisodiyotida mustahkam o‘sish holatlari kuzatilmoqda. Mulklarning dastlabki bo‘linish davrida baholash xizmatlarining to‘liq tarqalmasligi shunga olib keldiki, atayin pasaytirilgan narxlarda davlat korxonalarining ko‘plari shaxsiy mulkka aylantirildi. Davlat iqtisodiy obyektlarni past narxlarda sotishi natijasida, ularning faoliyatidan keladigan foydani o‘zlashtirish huquqini yo‘qotdi. Quyidagi hamma faktlar biznesda baholash zaruriyatini ko‘rsatadi. Iqtisodiyotda har qanday xatti-harakat baholashga 1 Государственное учебно-консультативное учреждение РБШ, «Оцен- ка стоимости имущества». Учебное пособие. Tом 1, Ташкент, 2012. 36 uchraydi. Bozor tamoyillari turli xil mulk obyektlarini baholashni talab qiladi. Turli xil (tashkilot, biznes, intellektual mulk va boshqa mulkiy va nomulkiy huquqlar) mulk obyektlarini baholash natijalari xususiy va davlat sektorlarida xulosa chiqarishda asos bo‘lib xizmat qiladi. Narxning bahosi bu korxona kelajakda qanday ishlashi haqida tushuncha beradi. Bu hamma uchun qimmatli: boshqaruvchilar, iste’molchilar, yetkazib beruvchilar, bankirlar, sug‘urta va soliqchilar uchun. Narx bahosi Rossiyaning zamonaviy tadbirkorlari, muhandislari uchun eng kerakli qurol bo‘lib qoladi. Baho faoliyati haqida tushunchalarsiz korxona rahbari, davlat amaldorlari, siyosatchilar va oddiy fuqarolar uchun bozor sharoitida juda qiyin bo‘ladi. Bozor narxining bahosi sotuvchilar va xaridorlar o‘rtasida tovar bahosiga tayanib bitim tuzishga yordam beradi, chunki bozor narxi nafaqat chiqimlarning bozordagi holatini, balki umumiy iqtisodiy rivojlanishni hisobga oladi. Biznes jarayon bahosi korxonalarga reja ishlab chiqarish uchun xizmat qiladi. Bozor narxi o‘lchamini bilish tadbirkorga biznesda bozor narxini kengaytirishga yo‘naltirilgan tadbirlar majmuasini ishlab chiqarishga yordam beradi. Doimo olib boriladigan baho narxi boshqarish natijasini ko‘taradi va inqirozga uchrashining oldini olishga yordam beradi. Baholash investitsion qarorlarni to‘g‘ri qabul qilishda yordam beradi. Agar har bir ishtirokchi tahlil qilinayotgan bitim loyihasini mustaqil baholashga harakat qilganda, chiqimlar ozroq bo‘lgan bo‘lar edi, chunki bu ma’lumotni boshqalar ko‘chirib ololmas edi. Malakaviy baholovchida ishlab chiqarish vositalarini ko‘p ishlatish natijasida muammolalar kamroq uchraydi. Bundan tashqari, baholash ishlarini olib borish alohida bilim va o‘ziga xos qobiliyatni talab qiladi. Shuning uchun hozirgi zamon iqtisodida narx bahosi ixtisoslashtirilgan tayyorlovni o‘tab kelgan ekspert baholovchilar olib boradi, malakaviy baholovchiga buyurtma berayotib, buyurtmachi baholovchi bilan bitim tuzadi. Bu bitimda tomonlarning huquq va 37 majburiyatlari ko‘rsatiladi. Baholovchi olib borayotgan ishning sharoiti uchun javobgar hisoblanadi, vaholanki noto‘g‘ri baholash xavfi buyurtmachining emas, balki baholovchining zimmasiga yuklatiladi. Shu tomonlarini hisobga oladigan bo‘lsak, Rossiyada ham baholash faoliyatida o‘ziga yarasha kamchiliklar mavjud va ular izchillik bilan, bosqichma-bosqich bartaraf etib kelinmoqda. Yüklə 0,77 Mb. Dostları ilə paylaş:
|