Dərs 4 Əlavə Dəyər Vergisi

Vergi tutulan əməliyyatın və idxalın dəyəri 
Vergi tutulan əməliyyatın dəyəri vergi ödəyicisinin müştəridən və ya hər hansı digər şəxsdən aldığı, 
yaxud almağa hüququ olduğu haqqın ƏDV nəzərə alınmadan məbləği (yol vergisi istisna olmaqla, 
digər vergilər, rüsumlar və ya başqa yığımlar da daxil olmaqla ) əsasında müəyyən edilir. Vergi tutulan 
idxalın dəyəri malların Azərbaycan Respublikasının gömrük qanunvericiliyinə uyğun olaraq müəyyən 
edilən gömrük dəyərindən və mallar Azərbaycan Respublikasına gətirilərkən ödənilməli olan 
rüsumlardan və vergilərdən (ƏDV və yol vergisi nəzərə alınmadan) ibarətdir. 
ƏDV üzrə hesabat dövrü təqvim ayıdır (hesabat dövründən sonrakı ayın 20-dən gec olmayaraq 
bəyannamə təqdim edilməli və vergi öhdəliyi ödənilməlidir. 
 
Oxunulması mütləq olan maddələr: Vergi Məcəlləsi maddə 164, 165, 166, 168
 
Aksiz vergisi 
 
Aksiz anlayışı: Aksiz - aksizli malların satış qiymətinə daxil edilən vergidir. Azərbaycan 
Respublikasının ərazisində istehsal edilən, yaxud idxal olunan aksizli mallardan, vergidən azad edilən 
mallar istisna olunmaqla, aksiz tutulur.

---

Vergi ödəyiciləri 
Bu fəsildə başqa hallar nəzərdə tutulmamışdırsa, Azərbaycan Respublikası ərazisində aksizli malların 
istehsalı və ya idxalı ilə məşğul olan bütün müəssisələr və fiziki şəxslər, habelə Azərbaycan 
Respublikasının hüdudlarından kənarda bilavasitə özü və ya podratçı vasitəsilə aksizli malları istehsal 
edən və istehsal etdiyi yerdə vergi ödəyicisi kimi uçotda olmayan Azərbaycan Respublikasının 
rezidentləri aksizin ödəyiciləridirlər. Sifarişçinin göndərdiyi xammaldan Azərbaycan Respublikası 
ərazisində mallar istehsal edildiyi hallarda, malların istehsalçısı (podratçı) aksizin ödəyicisidir. Bu 
halda istehsalçı (podratçı) aksiz məbləğlərini sifarişçidən almalıdır. ksizli malların istehsalçısı və 
sifarişçisi qarşılıqlı surətdə asılı olan rezident şəxslər olduqda, malın sahibi (sifarişçi) aksizin 
ödəyicisidir.