Dərs 4 Əlavə Dəyər Vergisi

Vergi tutulan əməliyyatın vaxtı 

Azərbaycan Respublikası ərazisində istehsal olunan mallar üçün - malların istehsal binasının 
hüdudlarından kənara buraxıldığı vaxt vergi tutulan əməliyyatın vaxtıdır. 

Malların idxalı üçün - Azərbaycan Respublikasının Gömrük Məcəlləsinə uyğun olaraq aksizli 
malların gömrük xidmətinin nəzarətindən çıxdığı vaxt vergi tutulan əməliyyatın vaxtıdır. 
Aksizli malların ixracı sıfır dərəcəsi ilə vergiyə cəlb olunur. 
Qeyd :Azadolmalar barədə- Vergi Məcəlləsi maddə 188
İstehsal ehtiyacları üçün aksizlərin əvəzləşdirilməsi 
Aksizli malları (xammal və materialları) alan və bu malları vergi tutulan digər aksizli malların istehsalı 
üçün istifadə edən şəxs xammal və materialları alarkən ödənilmiş aksizin məbləğini əvəzləşdirmək və 
ya geri almaq hüququna malikdir. 
Bu maddəyə uyğun olaraq aksizin məbləği yalnız xammal və materialların istehsalçısı tərəfindən 
aksizin ödənildiyini təsdiq edən elektron qaimə-faktura, xammal və materiallar idxal edildikdə isə - 
müvafiq sənədlər vergi orqanına verildiyi zaman əvəzləşdirilir və ya geri qaytarılır. Sənədlər vergi 
orqanına verildikdən sonra 45 gün ərzində tutulmuş aksiz məbləği vergi ödəyicisinə qaytarılır. 
 
Qeyd :Vergi dərəcələri barədə- Vergi Məcəlləsi maddə 190 
Aksizlər üzrə hesabat dövrü təqvim ayıdır. Aksizli mallar istehsal edildikdə, hər hesabat dövrü üçün 
vergi tutulan əməliyyatlar üzrə aksizlər hesabat dövründən sonrakı ayın 20-dən gec olmayaraq 
ödənilməlidir. 
 
Mədən Vergisi 
 
Mədən vergisinin ödəyiciləri kimlərdir? 
 
Xəzər dənizinin (gölünün) Azərbaycan Respublikasına mənsub olan bölgəsi də daxil olmaqla 
Azərbaycan Respublikasının ərazisində yerin təkindən faydalı qazıntıları çıxaran fiziki şəxslər və 
müəssisələr mədən vergisinin ödəyiciləridir.