Raibə Məmmədbağır qızı Cəfərova-Gəncə şəhərində ziyalı ailəsində anadan olmuşdur. Orta məktəbi Gəncə şəhərində bitirərək həmin ili AzKTİ- nin iqtisadiyyat fakultəsinə qəbul olmuş, oranı fərqlənmə diplomu ilə bitirmişdir. Təyinat üzrə iqtisadçı və baş iqtisadçı vəzifələrində, eyni zamanda Gəncə Avtomobil Texnikomunda müəllim vəzifəsində işləmişdir. Sonra Azərbaycan Texnologiya Universitetində, Gəncə Dövlət Universitetində işləmiş, hazırda Azərbaycan Dövlət Aqrar Universitetinin “Aqrar siyasət və dünya iqtisadiyyatı” kafedrasında çalışır. İqtisad üzrə fəlsəfə doktorudur. 1 dərs vəsaitinin, 2 metodiki göstərişin, 6 fənn proqramının, 43 tezis və məqalənin, cəmi 52 elmi əsərin müəllifidir. YAP-ın üzvüdür. Ailəlidir, 2 oğlu var.
