Dərs vəsaiti Bakı 2023
Yüklə 4,78 Mb. Pdf görüntüsü
|
|
-
Gövdənin əsas yataqlarının içini kobud yonduqdan sonra yataqların qapaqlarını gövdəyə uydururlar, aqncaq bundan sonra gövdənin içini qapaqlarla birlikdə təmiz yonurlar; - Yataqların içliklərini mexaniki emaldan sonra əvvəl təmizləyərək, yeyələyirlər və tökmə üçün hazırlayırlar. Tökmədən sonra içini yonurlar; - Sürgünün sürüngəclərini gövdəsinin üstünə qaşıma ilə uydururlar, vintlər ilə onları gövdəyə bağladıqdan sonra üstünü təmiz yonurlar və s. Nasosun gövdəsi, pistonları, sürgüqolları və s. hissələri ayrıca bağlama şəklində yığılır. Gövdənin yığılmasına əsasən aşağıdakı işlər daxildir: tilişkələri götürmək, iti tinlərini yeyələmək, üstünü, içini təmizləmək, içini rəngləmək, xırda deşikləri deşmək, lazım isə içində yiv açmaq, tıxacları bağlamaq, klapanları yerləşdirmək, əsas yataqların iç üzlərini gövdənin içinə uydurmaq, pəncərələrin qapaqlarını yerinə uydurmaq, sancaqları yerinə vintləmək və s. Piston və sürgüqolu yuxarıda göstərilən qayda ilə yığılır (konstruksiya başqa növ olan halda yığma işi bir qədər dəyişir). Ümumi yığma xüsusi stendin üzərində sanin yığma üsulu ilə aparılır. Bunun üçün: - Nasosun gövdəsini stendin üstünə qoyaraq, vəziyyətini təsviyə ilə yoxlayırlar; - Pistonqoluna istiqamət verən nronşteyni təmizlədikdən sonra yerinə bağlayırlar; - Pistonun kronşteyn üzrə hərəkətinin səlisliyini və habelə oxunun valın yataqlarının oxuna perpendinulyarlığını yoxlayırlar; - Kronşteyni gövdə ilə birlikdə deşərək kontrol çivi çaxırlar və kronşteyni tamam bağlayırlar; - Dirsəkli valı əsas yataqların içliklərinin alt yarısı üzərinə qoyaraq yoxladıqdan sonra əvvəl alt içlikləri və sonra üst içlikləri yuxarıda göstərilən qayda ilə qaşıyaraq valın boyunlarına uydururlar; - Sürgüqolunun böyün başının içini qaşıyaraq valın dirsəklərinə uydururlar; - Sürgüqolunu valın üstünə taxaraq qapağını bağlayırlar; - Val ilə sürgüqolunun deşiyi arasındanı boşluğu qolun qapağının altına qoyulan aralıq hissələrinin qalınlığı ilə tənzim edirlər; - Kronşteyni çıxararaq piston qovşağını yığılmış halda gövdənin qrundbunsunun içindən keçirirlər, qrundbunsu yığırlar və kronşteyni yerinə bağlayırlar. - Boş hərəkət qasnağının içinə oymağı presləyərək, iş qasnağını və boş hərəkət qasnağını valın üstünə oturdurlar; - Yağ yollarını təmizlədikdən sonra yağdanları yerinə vintləyirlər; - Hava və maye kranlarını yerinə bağlayırlar. Yığmanı tamam yoxladıqdan sonra nasosu sınamağa göndərirlər. Kompressorun yığılması. Başqa maşınlar kimi kompressorun da ümumi yığılması konstruksiyasından asılıdır. Ona görə də ümumi yığmanı müəyyən bir kompressor (məsələn, 2R-20/8 markalı) üçün göstərmək olar. Bu kompressorun ümumi yığılması aşağıdakı əməliyyatlardan ibarət olur: 1) Karteri stendin üstünə qoyaraq, təsviyə ilə üst müstəvisinin üfqiliyini yoxlayırlar. Dirsəkli valı karterin içində yerləşdirirlər. Dirsəkli valın üstündə nasosu hərəkətə gətirən dişli çarxı bağlayırlar; 2) Yağ kollektoru yerinə bağlanır və yağaparan boru xətləri çəkilir; 3) Valın dirsəklərinin üstünə sürgüqolları taxılır; 4) Çatı karterin üstünə qoyulur və ona bağlanır. Çatının üstündən sürgüyə istiqamətverən paralelləri götürüb, sürgüqolunun başında sürgünü yerləşdirirlər; 5) Çatının paralelləri öz yerinə qoyulur və sürgünün üzləri ilə paralellər arasındakı araboşluğu yoxlanılır; 6) Silindrlər bloku çatının üstünə qoyulur, xüsusi tərtibat vasitəsi ilə silindrlərin oxlarının vəziyyəti sürgülərə istiqamət verən üzlərə nisbətən yoxlanılır, istiqamət verən çivələr üçün iki deşik açılır, deşiklərin içi rayberlənir, deşiklərdən çiviləri çıxarılır və silindrlərin blokunu çatıya bağladıqdan sonra çatının istiqamət verən paralelləri və bloku mərkəzləşdirən tərtibatı götürülür; 7) Blokun alt qapağının içinə yığılmış halda metal kipgəclər qoyurlar; 8) Silindrlərin içini yoxladıqdan sonra üstünə halqalar taxılmış pistonlar üstdən silindrlərin içinə qoyulur, pistonların qolu sürgü ilə birləşdirilir; 9) Üstdə dişli yağ nasosu olan dayaq yerinə oturdulur; nasosun çarxının dişlərinin onu hərəkətə gətirən çarxın dişləri ilə görüşməsi yoxlanılır, plunjerli nasosu və yağ süzgəcini hərəkətə gətirən eksentrik valın üstünə bağlanır; yağaparan boru xətlərinin çəkilməsi qurtarır; 10) Götürülən paralellərin flansının altına yağlı kağızdan hazırlanmış araqatı qoyaraq, paralellər axırıncı dəfə yerinə bərkidilir. Karterdə və çatıda olan pəncərələrin qapaqları öz yerlərinə qoyulur, vintlər ilə bağlanılır; 11) Blokun üst qapağı yerinə qoyulur və qaykalar ilə bloka bağlanır. Pistonun alt və üst kənar vəziyyətlərində silindrin içində ölü fəzanın böyüklüyü yoxlanılır. Ölü fəzanın böyüklüyü sürgünün şaybası vasitəsi ilə tənzim edilir; 12) Klapanlar və onları sıxan mexanizm yerinə qoyulur; 13) Silindrə yağverən boru xətti çəkilir, plunjer nasosu və təzyiq tənzim edən quruluş yerlərinə qoyulur və karterə bağlanır; 14) Manometr olan tava yerinə bağlanır və onun üzərinə gələn boru kəmərləri çəkilir; 15) Havasoyudan qurğu öz yerinə qoyulur və havasoyudan suyun boru kəmərləri çəkilir; 16) Valın üstünə yağqaytaran və çatının üstünə yağgötürən bağlanır; 17) Nazimçarxı valın başına taxıb bağlayırlar, nazimçarxın topuna qoruyucu örtük bağlanır; 18) Birinci pillənin qoruyucu klapanı yerinə qoyulur, yağ nasosu tərəfindən pəncərə qapaq ilə qapanır; 19) Karterdə olan hissələri ağ neft ilə yuyurlar və kompressoru sınama üçün hazırlayırlar. Bir qayda olaraq hər bir maşın ümumi yığmadan sonra sınaqdan keçirilir. Sınamaqda məqsəd həm yığmanın keyfiyyətini, həm də maşının göstəricilərini yoxlamaqdır. Maşının yığılmasını yoxlamaq üçün başlıca olaraq onun hərəkət edən hissələrinə, xüsusən yataqlarına və başqa sürtünən hissələrinə fikir verilir. Hərəkət edən hissələr düzgün hərəkət etməlidir, səssiz işləməlidir, sürtünən hissələr qızmamalıdır və s. Maşının göstəricilərini yoxlamaq onun məhsuldarlığını, gücünü və onun işini xarakterizə edən başqa amilləri müəyyən etməkdən ibarətdir. Sınaq üsulu hər bir maşın üçün onun növündən, konstruksiyasından, ölçülərindən və əsas göstəricilərindən asılı olaraq qabaqcadan müəyyən edilir və təlimat şəklində yazılır. |