Dərs vəsaiti təşkilati davranış kursunun qısa icmalını əhatə

Təəssüratın formalaşması. Bir çox insanlar səmimi olaraq 
inanırlar ki, ilk təəssürat xüsusi rol oynayır. Başqaları haqqında 
fikir yaradan təəssüratın formalaşması üzrə ilk tədqiqat 1946-cı 
ildə Solomon Eş tərəfindən dərc edilmişdir. Müəllif qeyd edirdi 
ki, insanlar digər fərd barədə mülahizələrini çox tez formalaşdırır 
və onu dəyişmək istəmirlər. Təəssüratın formalaşması - 
insanların başqalarında hansı növ təəssürat yaratmaq istədiklərini 
və bunun üçün nə etdiklərini müəyyən edən bir prosesdir. 
Təəssüratın idarə olunması. Başqa insanlara xoş təəssürat 
bağışlamaq istəyi çox böyükdür. Bizlərdən çoxumuz digər insan-
ların və özümüzün nəzərində «yaxşı görünməyə» çalışırıq və 
“Mən” obrazı haqqında dərindən düşünürük. Təəssüratın idarə 
edilməsi - özün haqqında digər insanların təəssüratının for-
malaşması, idarə edilməsi və ona nəzarət olunması üçün sərf edi-
lən səylərdir. Təəssüratın idarə edilməsinin öhdəsindən uğurla 

---

41 
gələn insanlar bir çox situasiyalarda daha böyük ustünlüklər 
qazanırlar. 
Şəkil 4.2. Atribusiyanın fundamental səhvi 

---

42 
 
Təəssüratın idarə olunmasının əsas taktikaları. Təəssüra-
tın idarə olunması müxtəlif formalara malikdir. Onları iki əsas 
kateqoriyada birləşdirmək olar: şəxsi mövqelərin gücləndi-
rilməsi, yəni şəxsi obrazımızı dəstəkləmək cəhdləri və həm- 
söhbətimizin mövqelərinin gücləndirilməsi - bizi maraqlandıran 
insanın özünü bizim yanımızda rahat hiss etməsi üçün səy gös-
tərilməsi. Şəxsi mövqelərin gücləndirilməsi taktikasının spesifik 
tiplərinə öz xarici görünüşümüzün yaxşılaşdırılması və qeyri-
verbal siqnalların düşünülmədən istifadəsi ilə bağlı hərəkətlər 
daxildir. Həmsöhbətimizin mövqelərinin gücləndirilməsinə 
müraciət etdikdə qeyd etmək lazımdır ki, insanlar, digərlərində 
pozitiv əhval və reaksiya oyatmaq üçün müxtəlif üsullardan 
istifadə edirlər (kompliment və yaltaqlıq, həmin insanın fikri ilə 
razılaşma, məsləhət haqqında xahiş və s.).