Dərslik Azərbaycan Respublikası Təhsil Nazirliyi tərəfindən təsdiq edilmişdir

İkinci halda
adresat cavabını almaq istədiyi sualları 
nəzərdə tutur. 
Üçüncü halda
müşavirəyə dəvət almış şəxsin davranışı onun bu tədbirdəki 
rolundan asılıdır. Əgər o bu tədbirdə yalnz iştirakçıdırsa, bu zaman o qarşısına məqsəd qoyur: 
çıxışlardan bilavasitə ona aid olanları ayırd, müəyyən etmək, öz gələcək fəaliyyətində nəyi 
bilmək ona vacibdir və fəaliyyətində bunlardan necə istifadə edəcək?
Göründüyü kimi nitq fəaliyyətinin 
birinci proqnozlaşdırma mərhələsində
adresat öz 
mülahizələri üçün daxili plan hazırlayır (mümkün replikalar, cavab, suallar, dəqiqləşdirmə, 
etiraz). 
İkinci mərhələ
adresatın nitqi mənimsəməsi, məlumatı qiymətləndirməsindən
ibarətdir.
Üçüncü mərhələ məsələyə reaksiya 
verməkdir. Bu verbal yolla ifadə oluna bilər. 
Adresat danışığın, söhbətin məğzini tutur və öz rəyini bildirir. Bu halda adresat subyektə 
çevrilir (subyekt və adresat rollarını dəyişir). Bu mimika, jest (üzdə təəccüb ifadəsi, maraq, 
diqqət kəsilmək, razılıq əlaməti olaraq başını yelləmək, etiraz olaraq başını sağa-sola yelləmək, 
çiynin sıxılması ilə şübhəni bildirmək və s.); yaxud adresatın (adresatların) davranışı ilə ifadə 
oluna bilər (təşəkkür, etimad kimi əl çalmaq, etiraz əlaməti olaraq ayaqlarını yerə döymək, fit 
çalmaq, nümayişkaranə zalı tərk etmək və s.). Nitqə edilən reaksiya ona verilən qiymətdir. Əks 
əlaqə istənilən ünsiyyət növü üçün vacib şərtdir.
Nitq fəaliyyəti psixologiya, psixofiziologiya, sosiologiya ilə üzvi sürətdə bağlıdır. Nitq 
ünsiyyətində danışanın qarşıya qoyduğu məqsədin müxtəlif aspektləri öyrənilir: 
informativ, 
preskriptiv
(adresata təsir), 
ekspressiv 
(emosiyanın, qiymət vermənin ifadəsi), 
şəxslərarası

---

(həmsöhbətlər arasında münasibətlərin nizamlanması),