MİLLİ DRAM TEATRININ
REJİSSOR SƏNƏTİNDƏ ÜSLUB
AXTARIŞLARI
(1938-1980)
Ədil İsgəndərov 1938-ci ildə Milli Dram Teatrına baş rejissor təyin olunandan sonra sənət
ocağının yaradıcılığının bütün istiqamətlərində ciddi canlanma başlandı. Teatr yeni üslub və yeni
poetika uğrunda cəsarətli addımlar atdı, estetik ifadə vasitələri axtarışlarına meydan genişləndi.
Monumental romantik teatr məktəbinin prinsiplərini əsas götürən teatr monumental realizm janrında
da sənət nailiyyətləri qazanmağa başladı.
Janr axtarışları kollektivi üslub axtarışlarına, üslub axtarışları isə yeni fərdi rejissor
estetikalarının formalaşmasma sövq edir, milli rejissuranın təkamül prosesinə zəmin yaradırdı. MDT
tədricən "Ədil İsgəndərov teatrı" kimi kamilləşdi. Teatrdakı digər rejissorlar da həmin poetika
səciyyələrindən bəhrələnirdilər. Bununla belə, onların fərdi yaradıcılıq üslubları bütövlükdə teatrın
ümumi yaradıcılıq estetikasını dərinləşdirir və əlvanlaşdırırdı. Haqqında söhbət gedən dövrün ilk
iyirmi ilində MDT-də İsmayıl Hidayətzadənin, Ələsgər Şərifovun, Səftər Turabovun, Məcid
Zeynalovun, Şəmsi Bədəlbəylinin, Əliheydər Ələkbərovun, Mehdi Məmmədovun, Əşrəf Quliyevin,
Nəsir Sadıqzadənin maraqlı rejissor quruluşları olub.
Tofiq Kazımovun teatra baş rejissorluğu dövründə çağdaş dünya teatr prosesinin üslub
axtarışlarından bəhrələnmə artıb. Üslub və janr eksperimentləri genişlənib və müəyyən səmərəli
nailiyyətlər qazanılıb. 1960-cı illərin sonlarında və 1970-ci illərdə yeni teatr poetikalarına əsaslanan
və təzə estetik səciyyələrlə işləyib üslub zənginliyinə çalışan Fikrət Sultanov, Fuad Hacıyev, Zəminə
Hacıyeva, Tofiq Ağayev, Məmmədkamal Kazımov MDT-də müxtəlif janrlı tamaşalar hazırlayıblar.
* * *
Dostları ilə paylaş: | 
