Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

AYDIN ŞAHSUVAROV (31.1.1931 - 2.6.1986) 

 

Naxçıvan şəhərində 31 yanvar 1931-ci ildə anadan olub. Orta məktəbi burada bitirərək Bakı 

Dəmiryol Texnikumuna daxil olub. Texnikumun dram dərnəyində hazırlanan tamaşalarda epizod 

rollar oynayıb. 1953-1955-ci illərdə hərbi xidmətə gedib və qayıtdıqdan sonra Zəngilan rayonunun 

Mincivan dəmir yolu stansiyasında maşinist köməkçisi işləyib. O, 1957-ci ildə Naxçıvan teatrının 

yardım heyətinə aktyor götürülüb, əvvəlcə kütləvi səhnələrə  çıxıb, sözsüz rollar oynayıb. Baş 

rejissor İbrahim Həmzəyevin qayğikeşliyi və onunla fərdi məşğul olması sayəsində Aydın Ağa oğlu 

Şahsuvarov aktyor ştatına götürülüb və tezliklə bir-birinin ardınca koloritli xarakterik rollarda uğur 

qazanıb. Tədricən yaradıcılığı realist aktyor məktəbinin estetik prinsipləri  əsasında formalaşıb. 

Xüsusən satirik və məzhəkəli, qaravəlli mənşəli yumorlu rolları bacarıqla oynayıb. Qısa müddətdə 

teatrın aparıcı aktyorları  səviyyəsinə yüksələn aktyor 1 iyun 1974-cü ildə Azərbaycan 

Respublikasının əməkdar artisti və 15 noyabr 1984-cü ildə xalq artisti fəxri adlarına layiq görülüb. 2 

iyun 1986-cı ildə Naxçıvanda vəfat edib. 

Aydın  Şahsuvarovun oynadığı rollar ifadə vasitələrinin  əlvanlığına, məzəli forma 

xüsusiyyətlərinə, tipik danışıq tərzinə görə fərqləniblər. Yaradıcılığının böyük bir qisınıni xarakterik 

rollar təşkil edən Aydın  Şahsuvarovun zəngin tiplər qalereyasında dram tamaşalarında yaratdığı 

Vidadi ("Vaqif", Səməd Vurğun), Rəhim xan, Altunbay, İbad, Mazandaranski ("Nəsrəddin  şah", 

"Od gəlini", "Almaz" və "Oqtay Eloğlu", Cəfər Cabbarlı), Mirpaşa ("Komsomol poeması", İsgəndər 

Coşqun), Fərəc bəy ("Üfüqlər qızaranda", Ramiq Muxtar), Qədir ("Quşu uçan budaqlar", Əkrəm 

Əylisli), Fənd Fərəc ("Adamın adamı", Anar), Şeyx  Əhməd, Hacı ("Ölülər" və "Dəli yığıncağı", 

Cəlil Məmmədquluzadə), Səməndər ("Haray səsi", Hüseyn Razi), Qıdı kirvə ("Hacı Qəmbər", Nəcəf 

bəy Vəzirov), Qurban ("Nağıl başlananda",  İmran Qasımov), Obab ("Zirehli qatar 14-69", 

Vyaçeslav  İvanov), Naməlum adam ("Onlar dörd nəfər idilər", Konstantin Simonov), Fabdo 

("Bostan iti", Lope de Veqa), Albadam ("Mənim qayınanam", Georgi Xuqayev), Markiz 

("Mehmanxana sahibəsi", Karlo Haldoni), Kor padşah ("Kor padşah", Nazim Hikmət və Vera 

Tulyakova), operettalarda oynadığı Soltan bəy, Hambal ("Arşın mal alan" və "Məşədi İbad", Üzeyir 

bəy Hacıbəyov) rollarının adını xüsusi çəkmək olar.