Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

MURAD MURADOV (1884- 2.11.1964) 

 

Milli səhnəmizin məşhur həvəskar aktyorlarından olub. Səhnəyə ilk addımını 1897-ci ildə 

Şuşa  şəhərində atıb. Xüsusən yay ayları gur, qələbəli keçən  Şuşa  şəhərində ziyalı teatr 

həvəskarlarının hazırladıqları tamaşalarda epizod rollarda çıxış edib. 

1900-cü ildə Bakıya gələn Murad Muradov canlı teatr prosesinə qoşulub və müxtəlif rollar 

oynayıb. Sürətlə səhnə uğurları qazanan aktyor artıq 1901-ci ildə onu Şuşadan tanıyan Əbdürrəhim 

bəy Haqverdiyevin quruluşunda Nəcəf bəy Vəzirovun "Müsibəti-Fəxrəddin" faciəsində  Fəxrəddin 

rolunu " edib. Tezliklə truppanın sayılan üzvü olub, Əbülfət Vəli, Məhərnməd bəy  Əlvəndi, bir 

qədər sonra Mirmahmud Kazimovski,  Hüseyn Ərəblinski, Sidqi Ruhulla, Hüseynqulu Sarabski 

kimi qüdrətli səhnə ustaları ilə çiyin-çiyinə işləyib. 

---

Murad Məmmədrza oğlu Muradov 1884-cü ildə  Ağdam rayonunun Muradbəyli kəndində 

doğulub.  İlk təhsilini Ağdamda alıb və Bakıdakı realni məktəbdə davam etdirib. O, 1907-ci ildə 

Ümumrusiya Teatr Cəmiyyətinin üzvü olan ilk azərbaycanlı aktyorlardan biridir. 1901-ci ildən 

1920-ci ilə qədər "Müsəlman dram artistləri cəmiyyəti"ndə, "Artistlər şirkəti"ndə, "Nicat" və "Səfa" 

cəmiyyətlərinin truppalarında, Hüseynqulu Sarabskinin "Müsəlman opera artistləri" dəstəsində, 

Hacıbəyov qardaşlarının "Müdiriyyət"ində aktyorluq edib. Dram, komediya, opera və operetta 

tamaşalarında oynayıb. 1919-cu ildən isə müəyyən fasilələrlə Akademik Milli Dram Teatrında 

işləyib. 

Murad Muradov 1920-1930-cu illərdə az müddət Bakı Türk Azad Tənqid və  Təbliğ 

Teatrında, müxtəlif təbliğat və  təşviqat briqadalarında işləyib. Xarakterik və tipik səciyyələr kəsb 

edən obrazlarda özünün məharət və bacarığını göstərməyə çalışıb. Bu baxımdan müxtəlif teatr 

truppalarında və MDT-da oynadığı  əsas rollar bunlardır: Aşıq və  Pərviz ("Dəmirçi Gavə", 

Şəmsəddin Sami), Koçkaryov, Bobçinski ("Evlənmə" və "Müfəttiş", Nikolay Qoqol), Çingiz, 

Həmzə bəy ("Bəxtsiz cavan" və "Dağılan tifaq", Əbdürrəhim bəy Haqverdiyev), Hacı Məsud, Xəlil 

yüzbaşı ("Lənkəran xanının vəziri" və "Hacı Qara", Mirzə Fətəli Axundzadə), Fəxrəddin, Kərbəlayı 

Məhəmmədəli, Şahmar bəy, Cəbi ("Müsibəti-Fəxrəddin", "Adı var, özü yox", "Ev tərbiyəsinin bir 

şəkli" və "Hacı  Qəmbər", Nəcəf bəy Vəzirov), Rzaqulu xan ("Nadir şah", Nəriman Nərimanov), 

Şpigelberq ("Qaçaqlar", Fridrix Şiller), Kassio, Keşiş ("Otello" və "On ikinci gecə", Vilyam 

Şekspir), Mirzə Rzaqulu ("Vətən", Namiq Kamal), Ərəb zabiti, Şeyx Əbülyəhya ("İblis" və "Şeyx 

Sənan", Hüseyn Cavid), Həmzə  bəy ("Dağılan tifaq", Əbdürrəhim bəy Haqverdiyev), Xudayar, 

Qorodo-naçalnik, Birinci ziyarətçi, Medvedev ("Dönüş", "1905-ci ildə", "Od gəlini" və "Yaşar", 

Cəfər Cabbarlı), Heydər ağa ("Ölülər", Cəlil Məmmədquluzadə), Peterburq qaçqını ("İntervensiya", 

Lev Slavin), Keşiş Anton ("Dubrovski", Aleksandr Puşkin), Böyükağa ("Yanar dərə", Cabbar 

Məcnunbəyov),  Əhməd kişi ("Vaqif", Səməd Vurğun), Tacir ("Qaçaq Nəbi", Süleyman Rüstəm), 

Don Qusman Briduazon ("Fiqaronun toyu", Pyer Bomarşe), Alman casusu ("Vəfa", Rəsul Rza), 

Şəhərli ("Tufan", Aleksandr Ostrovski), Andronio ("Rəqs müəllimi", Lope de Veqa), Həkim 

("Türkiyədə", Nazim Hikmət). 

Murad Muradov Azərbaycanın ilk mədəniyyət xadimlərindəndir ki, 1933-cü ildə o dövr üçün 

SSRİ-nin  ən  şərəfli mükafatlarından sayılan  Əmək Qəhrəmanı adına layiq görülüb. Zəhmətkeş 

aktyor, fədakar teatr xadimi milli peşəkar teatrımızın 75 illik yubileyi münasibəti ilə 21 iyul 1949-cu 

ildə Azərbaycan Respublikasının əməkdar artisti fəxri adı ilə təltif olunub. 

Ömrünün sonuna kimi səhnədən ayrılmayan aktyor 2 noyabr 1964-cü ildə Bakıda vəfat edib.