Dərslik Azərbaycan Respublikası Təhsil Nazirliyinin 1 noyabr 2004-cü IL tarixli 816 saylı əmri ilə təsdiq olunub

GƏNCƏ  DÖVLƏT DRAM TEATRINDA  

AKTYOR YARADICILIĞI 

 

Birinci dərs 

 

Baki Türk İşçi Teatrı 1933-cü ildə  Gəncəyə köçüb. Bir ilin ərzində teatrın istedadlı 

aktyorlarından Abbasmirzə  Şərifzadə, Ağasadıq Gəraybəyli,  Ələsgər  Ələkbərov, Fatma Qədri 

Bakıya qayıdıblar. Rüstəm Kazımov,  Ələkbər Seyfi, Zakir Şahbazov,  Əşrəf Yusifzadə, Mustafa 

Sərkarov, Məryəm Ələsgərova ömürlərini Gəncə teatrı ilə bağlayıblar. Kazım Ziya, Əjdər Sultanov, 

Ağahüseyn Cavadov, Əlihüseyn Qafarlı, Məxfurə Yermakova, Əhməd Salahh, Əhməd Səfayi və bu 

kimi istedadlı aktyorlar bir müddət burada işlədikdən sonra ayrı-ayrı illərdə kollektivi tərk edərək 

Bakıya qayıdıblar. Burada müxtəlif teatrlarda işləyiblər. 

Gəncə teatrının truppası ilbəil yerli teatr həvəskarlarının hesabına möhkəmlənib və onların 

bir qisıni sonralar kollektivin aparıcı  sənətkarları olublar. Birinci il şəhərin müxtəlif dram 

dərnəklərinin istedadlı üzvləri Mikayıl Davudov, Əsəd  Şeyxzamanov, Barat Şəkinskaya, Solmaz 

Orlinskaya, Qulam Qoşqarlı, Abbas Məmmədov,  İsmayıl  Əfəndiyev,  İbrahim Həmzəyev, Kərim 

Sultanov aktyor heyətinə götürülüblər. 1934 - 1955-ci illərdə truppaya Bakı, Tiflis, İrəvan, Aşqabad, 

Şəki, Ağdaş, Zaqatala, Göyçay teatrlarında işləmiş aktyorlar və aktrisalar, Bakı Teatr Məktəbini 

bitirmiş  gənclər qəbul olunublar. Bunların sırasında Məmməd Cəfərovun (Məmməd Cəfər), Sadıq 

Həsənzadənin (Həsənqara), Məmməd Bürcəliyevin,  Ətayə  Əliyevanın, Fatma Qafarlının,  İsmət 

Əliyevanın, Manya Əliyevanın,  İzabella Tağıyevanın, Nəcibə  Məlikovanın, Abbas Məmmədovun, 

Məcid Abdullayevin, Məmmədrza  Şeyxzamanovun, Rza Nadirovun, Ağa Məmmədovun, Reyhan 

Tağıyevanın, Rəmziyyə Veysəlovanın, Səməd Tağızadənin,  Ələddin Abbasovun, Zülfüqar 

Baratzadənin, Firuzə  Bədirbəylinin, Sədayə Mustafayevanın, Məmmədsadıq Nuriyevin, Muxtar 

Avşarovun, Mənsurə Cəfərovanın, Nadir Rzayevin adlarını xüsusi göstərmək lazımdır. 

 

 

*  *  *