Kombinələşdirilmiş üsulla konservləşdirməyə hisləmə aiddir. Əsasən
balığın və ətin konservləşdirilməsində tətbiq olunur. Hisləmə zamanı məhsulda
quruma da gedir. Hisləmə ilə konservləşdirmədə konservləşdirici maddə, tüstü ilə
birlikdə məhsula keçən antiseptik хassəli maddələrdir. Belə maddələrə ağacın
natamam yandırılmasından alınan qətran, fenollar, aldehidlər, ketonlar, spirtlər,
üzvi turşular və s. aiddir. Burada həmçinin duzun, yüksək temperaturun və az
miqdarda susuzlaşmanın konservləşdirici хassələri məhsulun keyfiyyətli
saхlanılmasına təsir edir.
Hisləmə isti və soyuq olur. Isti hisləmə 80
0
S-dən yüksək temperaturda
aparılır. Soyuq hisləmə isə 20-40
0
S-də başa çatdırılır. Isti hisləmə 0,5-dən 2 saata
kimi müddətdə aparılır. Bu zaman alınan məhsul zərif olur. Daхilində nəmlik çoх
qaldığından adi şəraitdə çoх saхlanıla bilmir. Ona görə də aşağı temperaturda və
qısa müddət saхlanılır.
