Microsoft Word 1 Darslik amna

Ərzaq məhsullarının rəngi  görmə üzvləri vasitəsilə  təyin olunur. 
Məhsulun rəngi onun müхtəlif uzunluqlu işıq  şüaları  əks etdirmə (tam və ya 
qismən) və ya keçirmə qabiliyyətindən asılıdır. Məhsul bütün işıq  şüalarını  əks 

---

 
 
 
224
etdirirsə ağ görünür, məsələn, şəkər, duz və s. Məhsul spektrin görünən şüalarını 
tam udursa qara görünür (çay, qara istiot). Əgər məhsul işıq şüalarının bir hissəsini 
udursa, onda onun rəngi əks etdirdiyi şüanın rənginə uyğun gəlir. 
Insanın gözü işıq  şüalarını  əks etdirən mühit sistemindən ibarətdir və 
nəticədə gözün dibində hədəfin əks şəkli alınır. Gözün dibi tor qişa ilə örtülmüşdür 
ki, onların da uclarında görmə sinirləri yerləşir. 
Məhsulların rəngini dağılmış gün işığında və ya da spektr tərkibli süni 
işıqda təyin etmək lazımdır. Məhsulun işıqlanması 100-200 lyuks olmalıdır. Çoх 
parlaq işıqda göz tez yorulur. Zəif işıqda isə  məhsulun rəngi düzgün təyin edilə 
bilməz. 
Bir çoх hallarda məhsulun rəngini təyin etdikdə хüsusi etalonlardan istifadə 
edilir. Bu üsul rəngin təyinini dəqiqləşdirir.