Beynəlxalq müqavilənin xitam olunması
Beynəlxalq müqavilənin xitam olunması onun tərəflər üçün öz məcburi qüvvəsini itirməsi deməkdir. Müqavilə aşağıdakı əsaslarla xitam oluna bilər:
1.müqavilənin bağlandığı müddətin başa çatması. 2.müqavilə öhdəliklərinin icra olunmasu 3.müqavilənin bütün iştirakçılarının razılığı ilə. 4.eyni məsələ üzrə və eyni dövlətlər arasında yeni müqavilənin bağlanması, 5.denonsasiya. Denonsasiya dövletin, müqavilədə göstərilən şərtlərlə, digər iştirakçı dövlətləri qabaqcadan xəbərdar etməklə, müqavilədən imtina etməsi deməkdir. Deməli, müqavilənin özündə əgər belə imkan nəzərdə tutulmayıbsa, o, denonsasiya oluna bilməz..
6.müqavilənin birtərəfli qaydada ləğv edilməsi
Bu halda dövlət iştirakçısı olduğu beynəlxalq müqavilədən, ciddi əsas gətirməklə, birtərəfli qaydada imtina edir. Müqavilədən birtərəfli imtinaya, ümumiyyətlə, yol verilmir. Beynəlxalq hüquq bunu yalnız üç halda mümkün hesab edir:
1.müqavilənin digər iştirakçı dövlət tərəfindən əsaslı pozulması,
2.müqavilənin bağlandığı vaxt mövcud olmuş halların əsaslı surətdə dəyişməsi (rebus sic stantibus prinsipi)
3.müqavilənin yerinə yetirilməsinin qeyri-mümkünlüyü. Bu, əsasən, müqavilənin obyektinin məhv olduğu və ya yoxa çıxdığı zaman (məsələn, adanın suya batması, çayın quruması və s.) baş verir.
XIII FƏSIL
Dostları ilə paylaş: |
