Dərslik rəHBƏRLİk azərbaycan Respublikası Təhsil Nazirliyinin 24 saylı

Məsələ №33
Sizə 25 yaşlı xəstə bədənin yuxarı yarısında müxtəlif quruluşda və ölçüdə çoxlu sayda 
piqment ləkələrin yaranması ilə əlaqədar müraciət etmişdir. Dediyinə görə onlar günəş 
vannalarından sonra əmələ gəlmişdir. Ayrı-ayrı sahələrdə tək-tək sarımtıl-boz rəngli 
ləkələr (səthində kəpəkvari qabıqvermə nəzərə çarpır) müşahidə olunur.
1. Hansı xəstəlik haqqında fiikrləşmək olar və diaqnozu təsdiq etmək üçün hansı müa-
yinə metodlarını tətbiq etmək lazımdır?
2. Xəstəliyn müalicə metodlarının adını çəkin.
Məsələ №34
Sizə 21 yaşlı qadın son 1 ay ərzində tüklərin tökülməsi şikayəti ilə müraciət etmişdir. 
Baxış zamanı başın tüklü hissəsində tükləri kəskin seyrəlmiş, diametri 1 sm ölçüdə çoxlu 
sayda ocaqlar görünür. Zədələnmə ocaqlarında tüklərin tökülməsi tam deyildir, follikul-
yar aparat zədələnməmişdir. İltihab əlamətləri və qabıqvermə müşahidə olunmur. Boy-

---

491
nunun dərisində məhdud şəkildə yerləşmiş hipopiqmentasiyalı 1,5 sm ölçüdə, iltihab 
əlamətləri olmayan ləkələr görünür. Subyektiv hissiyyat yoxdur. Dəridə və selikli qişa-
larda digər əlamətlər nəzərə çarpmır. Anamnezdən aydın olmuşdur ki, 3 ay əvvəl xəstə-
nin bədənində səpgi əmələ gəlmişdir ki, o da bir müddətdən sonra müalicəsiz keçmişdir.
1. Bu klinik mənzərənin hansı xəstəlik üçün daha səciyyəvi olduğunu göstərin.
2. Diaqnozun dəqiqləşdirilməsi yolları.
Məsələ №35
Sizə 43 yaşlı xəstə müraciət etmişdir, onun dabanlarında dəri şırımlarının boyunca 
unvari qabıqvermə vardır. Ayaqların və əllərin bütün dırnaq lövhələri bozumtul-sarımtıl 
rəngdədir, qalınlaşmışdır və qismən dağılmışlar.
1. Müayinə planını tərtib edin, diaqnozu qoyun.
2. Hansı preparatları təyin etmək olar?
 Məsələ №36
70 yaşlı xəstə bədənin və qismən ətrafların dərisində 1 il ərzində dövri şəkildə əmələ 
gələn, bəzən üzücü davam edən qaşınmadan əziyyət çəkir. Obyektiv olaraq: dəri quru-
dur, subatrofik, bəzi yerlərdə lixenifikasiya əlamətləri, cüzi qabıqvermə və çoxlu sayda 
qaşıma izləri vardır. 
1. Güman etdiyiniz diaqnoz və xəstəyə münasibətdə müalicə taktikası necədir?
2. Xəstəyə hansı müayinələr təyin etmək vacibdir?