Dilmurod Quronov adabiyot nazariyasi

ADABIYOT VA MAFKURA
I
Mafkura tushunchasi. Badiiy ijodda ijtimoiyiik va shax-
siylik. Shaxsiylangan ijtimoiyiik. Dunyoqarash va badiiy
ijod. Umuminsoniy qadriyatlar ustuvorligi. Estetik ideal
va uning qirralari. Mafkura va adabiyot munosabati.
0 ‘zbek tilida faol ishlatiluvchi «fikr», «tafakkur» va 
«mafkura» so'zlarining o‘zakdosh ekani yaxshi ma’lum. 
Inson ongida olam va odam haqida fikr va tasavvurlar 
mavjudligini, inson tafakkur (fikrlash) qobiliyatiga ega oliy 
mavjudot ekanini ham yaxshi bilasiz. Mavzuni yoritish 
uchun eng avval insonga xos mazkur ikki muhim xususi- 
yatni bildirgan so'zlar bilan o'zakdosh «mafkura» so‘zining 
ma’nosini aniqlab olish lozim bo‘ladi.
Mafkura deganda ma’lum bir jamiyat, davlat, millat va 
hokazo ijtimoiy guruhlarning siyosiy, iqtisodiy va b. maq- 
sadlariga mos holda muayyan bir tizim holiga keltirilgan 
fikr va g‘oyalar jamini tushunamiz. Demak, mafkura «fikr» 
va «tafakkur» tushunchalariga nisbatan xoslangan, max- 
sus tushuncha ekan. Yana bir muhim jihati shuki, «fikr» 
va «tafakkur» alohida olingan har bir insonga tabiatan xos 
narsalar, «mafkura» esa, avvalo, ijtimoiy shartlangan hodi- 
sa sifatida maydonga keladi (ya’ni muayyan ijtimoiy-tarixiy 
sharoit taqozosi bilan shakllanadi), keyin har bir alohida 
shaxs tomonidan o‘zlashtiriladi.
Jamiyatda yashayotgan shaxs (jumladan, ijodkor ham) 
ma’lum bir ijtimoiy guruh vakili, demakki, o‘zining muayyan 
ijtimoiy muhitda shakllangan qarashlari, orzu-intilishlariga 
ega va ular shu guruhning qarashlari, orzu-intilishlariga 
ko‘p jihatdan mos keladi. Hech shubhasiz, ijodkor birinchi 
galda shaxs, shuning uchun ham asar mazmunida eng
60
www.ziyouz.com kutubxonasi

---

avval uning shaxsiy nuqtayi nazari, qarashlari aks eta- 
di. Ikkinchi tomondan, bu fikr muayyan darajada shartli 
ekanini ham unutmaslik kerak. Zero, agarki muallif nuqtayi 
nazari va qarashlari genezisiga ko‘ra ijtimoiy ekan, asarda 
shaxsiylangan ijtimoiylik
aks etadi, 
shaxsiylik va ijtimoiy-
lik uyg‘un mujassamlashadi
deyish to‘g‘riroq. Sababi, bu 
o'rinda zuhurotgina shaxsiy, ya’ni ijtimoiylik shaxsiylikka 
butkul singib ketgani uchungina biz asarda ijodkorning 
shaxsiy nuqtayi nazari, qarashlari aks etadi deymiz. Zotan, 
haqiqiy ijod to‘lg‘og‘ida dunyoga kelgan asarda shunday 
bo'lishi kerak ham: ijod jarayonining «qalb qozonida qay- 
natmoq», «qalb prizmasidan o‘tkazmoq» deya ta’riflanishi 
bejiz emas. Aksincha yo‘ldan boriisa, ya’ni ijodkor shaxsi 
ijtimoiylikda singib yo'qoisa, ijodiylik yo'qoladi, bu holda 
ijod ham, badiiyat hodisasi ham mavjud emas. Negaki, bu 
holda yozuvchi voqelikni tayyor qolip (sxema)lar asosida 
ko'radi, o'sha qoliplarga muvofiq tasvirlaydi va uiardan ke- 
lib chiqib baholaydi - sxematizm yuzaga keladi. Sirasini 
aytganda, kompyuter texnikasi yuksak rivojlangan bizning 
zamonamizda, ehtimol, bunday sxematik asarni dasturiy 
jihatdan yaxshi ta’minlangan kompyuter ham yozishi mum- 
kin. Sho‘ro davri adabiyotining fojiasi ayni shunda - ijodkor 
shaxsining ijtimoiylikda singib yo'qolib ketganida edi.
Badiiy ijod dunyoqarash bilan bogliq tarzda kechadi. 
Dunyoqarash deganda konkret insonning dunyo haqidagi 
bilimlari, tushunchalari, g'oyalari jamini tushunamiz. Badiiy 
asarda akslangan badiiy voqelik ijodkor tomonidan ko‘ril- 
gan, ijodiy qayta ishlangan va g‘oyaviy-hissiy baholangan 
voqelik ekan, demak, badiiy asar mazmuni ijodkor dunyo- 
qarashi bilan bog'liq bo‘ladi. Ma’lumki, har bir inson dun- 
yoni o'zicha ko'radi, uni o'zicha idrok qiladi va o‘zicha ba­
holaydi. Qizig‘i shundaki, hammamiz ham o‘zimiz ko‘rgan 
voqelikni real voqelik deb tushunamiz. Holbuki, bu - vo- 
qelikning ongimizdagi biz ko'rolgan va idrok etolgan aksi, 
xolos, ya’ni individual borliqdir. Shunday ekan, birjoyda, bir
61
www.ziyouz.com kutubxonasi

---

davrda yashab turgan ikki inson ongidagi voqelikning aksi 
bir xii bo‘lolmaydi. Buning yorqin misoli sifatida Co'lpon- 
ning «Kecha» va Oybekning «Qutlug1 qon» romanlarini olib 
ko‘rishimiz mumkin. Ikkala muallif bir davrda yashagani, bir 
davrni qalamga olgani holda, har ikki romanda akslangan 
badiiy voqelik bir-biridan tubdan farq qiladi. Sababi, har 
ikki adibning asarida ham individual borliq - ularning ongi- 
da akslangan voqelikning badiiy modeli o‘z aksini topgan. 
Voqelikning ijodkor ongida qay tarzda akslanishi bevosita 
uning dunyoqarashiga bog'liqdir. Tasavvur qilingki, ikkinchi 
jahon urushi voqealarini ikki qarama-qarshi tomon vakillari 
bolmish yozuvchilar aks ettirdi. Bu holda ulardan biri, ma- 
salan, Berlinda o‘z jonini xavfga qo'yib tank ostidan nemis 
qizalog'ini qutqargan sho'ro askarini bo'rttirib ko'rsatishi, 
ikkinchisi esa vujudi intiqom olovida yongan, yovuzlikka 
yovuzlik bilan javob berishga jazm qilgan sho'ro askarining 
xatti-harakatlarini bo'rttirishi mumkin. Holbuki, urushda uni- 
si ham, bunisi ham sodir bo'lgan bolishi mumkinligini hech 
kim inkor qilolmaydi. Ko'ramizki, voqelikning qaysi jihatla- 
rini ko'rish, qaysilarini bo'rttirgan holda uning mohiyati sifa­
tida taqdim qilish ijodkor dunyoqarashi bilan bog'liq ekan.
Haqiqiy san’atkor qaysi ijtimoiy guruhga mansubligidan, 
qanday ijtimoiy maqsadlarga xizmat qilishidan qat’i nazar, 
u yaratgan badiiy asarda umuminsoniy qadriyatlar ustu- 
vorlik qiladi. Shu bois ham chinakam badiiy asarda ijodkor 
har vaqt ezgulik, go'zallik, adolat, insoniylik kabi mangu 
qadriyatlar tomonida turadi. Umuminsoniy qadriyatlarga 
zid g‘oyalarni o'ziga singdirgan asarning chinakam ba­
diiy qimmatga ega bo'lishi mumkin emas. Zéro, bunday 
asar o'quvchini o‘zidan uzoqlashtiradi (ilon tanasi qancha 
go‘zal ranglarjilosiga ega bo'lmasin, o'ziga jalb qilish o'rni- 
ga o'zidan itaradi). Ko'ramizki, badiiy adabiyot va san’at- 
dagi go‘zallik ma’naviyatdan ayro holda yashay olmaydi, 
badiiyat estetik kategoriyagina emas, ma’lum ma’noda etik 
kategoriya ham sanaladi.
62
www.ziyouz.com kutubxonasi

---

Mulohazalarimizda