Direktorun el kitabi A5 21 04 2021. indd

Babək Bayramov

---

62
MƏKTƏB DİREKTORU 
BİR TƏHSİL LİDERİ KİMİ
Təhsil - şəxsi cəmiyyət içində yaşamağa hazırlayarkən 
onda ehtiyacı olan əqli, əxlaqi bacarıq və insani dəyərlə-
rin formalaşdırılması fəaliyyətidir (Məmmədov, 2018: 37). 
Təhsil keyfiyyət azlığı olan insana yerli və beynəlxalq iqti-
sadi tələblər çərçivəsində lazım olan bacarıqlar qazandırır 
və insan kapitalının formalaşmasını dəstəkləyir. Təhsil ilə 
şəxsin bacarıqları inkişaf edərək ölkənin iqtisadi inkişafına, 
rəqabət qabiliyyətinə, gəlirlərə və sosial rifaha müsbət təsir 
edir (Tilak, 1989: 10). İnsanda arzuolunan davranış dəyi-
şikliklərini həyata keçirmək məqsədi daşıyan təhsil müəs-
sisələrinin idarəçiliyinin təhsil liderlərinə verilməsi zəruri 
bir məsələdir. Çünki məktəb direktoru məktəbin mühitinin 
və mədəniyyətinin üzərində təsirə malikdir (Çelik, 2007: 
53). Fərdin və cəmiyyətin inkişafı, sosial mədəniyyətin nə-
sildən-nəsilə ötürülməsi vəzifəsini təmin edən məktəblərin 
hədəflərinə çatması və davamlılığının ən yüksək səviyyədə 
olması məktəb direktorlarının təsirli təhsil liderləri olma-
sından asılıdır. Təhsil müəssisələrini direktorları, maraqlı 
tərəfdaşların gözləntilərini və məktəbin hədəflərini reallaş-
dırmaq, qərarlar qəbul etmək, planlar qurmaq, planların 
reallaşması üçün lazımi təşkilati tənzimləmələr aparmaq 
üçün qurumun imkanlarını, ətraf mühiti və məktəbi bilir, 

---

63
işçilər arasında ünsiyyəti təmin edir, işi koordinasiya edir, 
təsirli və səmərəli davam etməsi üçün nəticələri qiymətlən-
dirir (Başar, 2000: 37-39). Bu bölmədə təhsil lideri olma 
yolunda məktəb direktorları üçün 
liderlik yanaşmaları, təhsil 
liderliyi və məktəb liderliyi, məktəb direktorunun liderlik rolları 
şəklində məlumatlar öz əksini tapmışdır.