xonalar esa a8 va h8 xonalaridir. Taxtaning bir xil (oq yoki qora xona) xonalarni tutashtiruvchi qiya liniyalar diagonallar deb ataladi (1-diagramma). Chunonchi, a1-h8 diagonali, c1-h6 diagonali va hokazo. a4 xonasidan ikkita, ya‘ni a4-e8 va d1-a4 diagonallarini o‗tkazish mumkin. Sipohlarning kuchi bo‗yicha asosan ikki xil sipohlar (shoh, farzin, rux, fil, ot) mavjud. Farzin bilan rux og‗ir sipohlar, fil bilan ot yengil sipohlardir. O‗yin vaqti – shaxmat bo‗yicha musobaqalar 3 xil usulda o‗tkaziladi: standart, rapid va blits. Standart turnirlarda tomonlarga 90 daqiqadan vaqt beriladi va birinchi yurishdan boshlab har bir yurishga 30 soniyadan vaqt qo‗shiladi yoki o‗yin oxirigacha tomonlarga 120 daqiqadan vaqt berilishi mumkin. Rapid turnirlarda tomonlarga 25 daqiqadan vaqt beriladi va har bir yurishga 10 soniyadan vaqt qo‗shiladi, tomonlarga o‗yin oxirigacha 15 daqiqadan vaqt berilishi yoki tomonlarga 10 daqiqadan vaqt berilib va har bir yurishga 5 soniyadan vaqt ajratilishi mumkin. Blits turnirlarda tomonlarga 3 daqiqadan vaqt beriladi va har bir yurishga 2 soniyadan vaqt qo‗shiladi yoki tomonlarga o‗yin oxirigacha 5 daqiqadan vaqt berilishi mumkin.
Bulardan tashqari xat orqali o‗ynash ham mumkin. Xat orqali o‗ynashda tomonlar uyidan har bir yurishni amalga oshirish uchun masofa va aloqa vositasi turiga qarab, kun yoki haftalar belgilanishi mumkin. SHAXMATDAGI SIPOHLARNING NOMI VA BELGILANISHI
