Seçmə aşıq şeirləri
56
AġIQ VALEH
(Kərbalayi ġəfi – 1729-1822)
EYLƏ
Alçaqlı, ucalı dağlar,
Halal eylə, hümmət eylə.
Qarşı qarşı duran bağlar,
Halal eylə, hümmət eylə.
Köçüm gedir düzlərinən,
Dövran sürdüm sizlərinən,
Neçə gəlin, qızlarınan,
Halal eylə, hümmət eylə.
Valeh gedir bir murada,
Sığınıbdı min bir ada,
Ya gələ, ya gedə bada,
Halal eylə, hümmət eylə.
57
DĠLBƏR
Durum, dolanım başına,
Aşığından küsən dilbər!
Üzüm sürtüm göz-qaşına,
Nə mən dinim, nə sən, dilbər!
İtirmişəm maralımı,
Bir sinəsi yaralımı,
Gündüz səbrü qərarımı,
Gecə yuxum kəsən dilbər!
Bu nə adətdi insanda –
İxtiyar qoymadı canda.
Bu zülm olmaz, müsəlmanda –
Kafərmisən, nəsən, dilbər?!
Görmədim mən, sən tək yağı,
Sinəmə çəkmisən dağı,
Qara geyim mən, sən ağı,
Görən desin usan, dilbər!
Valeh
əzəldən bəy idi,
Qaşların qəddini əydi,
Mən nə dedim sənə dəydi?
Bu mən, dilbər, bu sən, dilbər!
|
