Dünya gənc türk yazarlar bġRLĠYĠ (dgtyb)

 
 
Seçmə aşıq şeirləri 
 
84 
 
 
GÖRDÜM 
Gedirdim güzarım düşdü bulağa, 
Ovçu bərəsində maralı gördüm. 
Yatıb inildəyir, durub boylanır, 
Bir neçə yerindən yaralı gördüm. 
Zalım ovçu onu alıb nişana, 
Dəlib ürəyini, boyayıb qana, 
Yıxılib çevrilir o yan, bu yana, 
Kəsilibdi səbri-qəralı gördüm. 
Təbib olsam, yaraların bağlaram, 
Sinəm üstün düyünlərəm, dağlaram, 
Ələsgərəm, ol səbəbdən ağlaram, 
Ananı baladan aralı gördüm. 
 
 
 
 
 

---

 
 
85 
YƏHYA BƏY DĠLQƏM 
 
(1830 – 1865) 
 
 
 
MƏNƏM 
 
Seyri-məskənimdi viranə bağlar, 
Canan fərağında qovrulan mənəm. 
İllər xəstəsiyəm, könlüm qan ağlar 
Zəhməti zay olub sovrulan mənəm. 
 
Könlümün sonası göldən gedəli 
Dəhanın ləzzətı dildən gedəli 
O tülək tərlanım əldən gedəli 
Məhşərdə divanı qurulan mənəm. 
 
Dilqəməm, əridim dərd kürəsində 
Bivəfa dilbərin dörd dövrəsində 
Şikar sevdasıyla ov bərəsində 
Gözləyib gözləyib yorulan mənəm. 
 
 
 
 
 
 
 
 
 
 
 

---