Ə. Q. Abbasov

Şəkil 24. Sıfır ardıcıllığa malik gərginlik dəyişməsinə  
əsaslanmış mühafizə açmanın prinsipial sxemi. 
 
Baxılan  sxemdən  bilavasitə  torpaqlanmaya  malik 
neytrallı şəbəkələrdə istifadə olunmur, çünki, belə şəbəkələrdə 
yerə  nəzərən  faza  gərginlikləri  şəbəkənin  izolyasiyasının 
vəziyyətindən  asılı  olmayaraq  eyni  olub,  qiymətcə  qida 
mənbəyinin faza gərginliklərinə bərabər olur. 
 
Sıfır cərəyan ardıcıllığına əsaslanmış cərəyan açması 
 
Baxılan sxemdə mühafizə açılmasında verici olaraq sıfır 
ardıcıllığa  malik  cərəyan  transformatorundan  (SAT)  istifadə 
olunur.  Sxemdə  istifadə  olunan  transformatorun nüvəsi  ancaq 
ikinci  dolağa  malik  olub  şəbəkənin  və  ya  kabelin  hər  üç 
naqilini əhatə edir (şəkil 25). 

---

95 
 
Transformatorun ikinci dolağına cərəyan relesinin dolağı 
birləşirilir.  Şəbəkədə  yerə  qapanma  olmadıqda  və  fazaların 
izolyasiyalarının  yerə  nəzərən  keçiricilikləri  eyni  olduqda 
cərəyan  transformatorunun  ikinci  dolağında  sıfır  ardıcıllıqlı 
cərəyanın qiyməti sıfra bərabər olur. Sıfır ardıcıllıqlı cərəyana 
əsaslanmış  mühafizə  açılmasının  prinsipial  sxemi  25-də 
göstərilmişdir.