Qum fraksiyası (1 - 0,25 mm) arasında daha çox kvars və çöl şpatı rast gəlinən
müxtəlif dağ süxurları və mineral qırıntılarından ibarətdir. Qumlar çox yüksək
sukeçirmə qabiliyyətinə malikdirlər, suyu sərbəst süzürlər, şişmirlər, qeyri-
plastikdirlər. Bu xassələrinə görə çökmənin qarşısını almaq üçün onlar müxtəlif
oyuqların, məsələn, arxların, kanalların doldurulması zamanı geniş istifadə olunur.
İri toz fraksiyası (0,25 - 0, 01 mm) mineraloji tərkibinə görə qum fraksiyasından
az fərqlənir. Ona görə də qumun bir çox xassələrinə malikdir: qeyri-plastikdir, çox
zəif şişir, aşağı rütubət tutumuna malikdir.
