Südün analizi və ilkin emalı. Südün analizini bir neçə nöqteyi-nəzərdən həya-
ta keçirmək olar. Lakin bu analizlərdən ən mühümləri südün tərkibində yağın miqda-
rının, südün təmizliyinin, turşuluq dərəcəsinin və içindəki bakteriyaların miqdarının
(bakteriyalarla çirklənmə dərəcəsini) müəyyənləşdirilməsidir. Ona görə də sağım
zamanı təmizliyə riayət edilməsinə xüsusi diqqət göstərmək lazımdır. Südün təmiz-
liyini süzgəc kağızının çirklənməsi ilə (onda toplanan çirkin miqdarı ilə), turşuluq
dərəcəsini isə onun tərkibindəki süd turşunun miqdarı ilə, bakteriyalarla çirklənmə
dərəcəsini isə 1 q süddə olan mikrobların miqdarı ilə müəyyənləşdirilir.
Hər bir analizdən qabaq süd nümunəsi götürülməlidir. Nümunə götürülərkən
fikir vermək lazımdır ki, təxminən orta süd nümunəsi olsun. Ona görə də nümunə
götürməzdən əvvəl südü səliqə ilə yaxşı-yaxşı qarışdırmaq lazımdır.
Süd müxtəlif mikroorqanizmlərin inkişafı üçün əla qida mühiti hesab olunur.
Bununla yanaşı, süd toz ilə çirklənə bilər, havadakı müxtəlif çirklər ona daxil ola
bilər, ona görə də biz o zaman təmiz süd sağa bilərik ki, sağılan inəyin özü təmiz
olsun, sağım təmiz şəraitdə aparılsın.
Süd sağımından sonra mümkün qədər tezliklə 12-14C
0
temperatura qədər
soyudulmalıdır. Həmin temperaturda mikroorqanizmlərin çoxalması prosesi aşağı
düşür və südü uzaq məsafələrə daşımaq mümkün olur.
