2.2. Təbii ehtiyatlardan səmərəli istifadənin ekoloji əsasları
Qlobal ekosistem olan biosferdə baş verən, dönməz dəyişikliklər ekoloji inqi-
labla nəticələnərək təbiət-cəmiyyət münasibətlərinin yeni inkişaf mərhələsinə –
idarə olunan təkamül nəticəsinə keçidlə nəticələnmişdir. Yeni mərhələdə təbiət-
cəmiyyət münasibətlərinin konsepsiyası qlobal ekologiya adlanaraq, biosferin
strukturu və funksiyalarından bəhs edən təlimdir. Qlobal ekologiya konsep-
siyasının əsasını təbiət-cəmiyyət münasibətlərinin ekolojiləşdirilməsi təşkil edir.
Təbiət-cəmiyyət münasibətlərinin ekolojiləşdirilməsinin başlıca məqsədi:
• təbii sərvətdən istifadənin səmərəliliyinin yüksəldilməsi;
• təbii mühit amillərinin keyfiyyət parametrlərinin və ekosistemin dayanaqlı-
ğının saxlanılmasının mütləq təmin olunmasıdır.
Təbiət-cəmiyyət münasibətlərinin ekolojiləşdirilməsi bir sıra texnoloji və
idarəçilik tədbirləri kompleksini əhatə edir ki, onların da mahiyyəti təbii sərvətdən
istifadənin prinsiplərində, vəzifələrində və təbii sərvətdən istifadəyə qoyulan
məhdudiyyətlərdə öz əksini tapmışdır (şəkil 8).
