Амин Бабайев, Вцгар Бабайев

8.7.2. Arıların mənşəyi   
 
1.  Arı ailələrinin damazlığının seçilməsi zamanı arıların yerli şəraitə uyğunlaş-
ması qabiliyyəti, onların həyatiliyi və  xəstəliklərə davamlılığına diqqət 
yetirilməlidir. 
2.  Arı ailəsinin sağlamlığı damazlıq seçiminə  və ailələrin idarə edilməsinə 
əsaslanmalıdır. Buraya daxildir:  
a)  yerli şəraitə yaxşı uyğunlaşa bilən damazlıq cinslərin istifadəsi; 
b)  ana arıların yeniləşdirilməsi; 
c)  avadanlığın müntəzəm olaraq təmizlənməsi və dezinfeksiyası; 
d)  mumun müntəzəm olaraq təzəsi ilə əvəz edilməsi; 
e)  arı pətəyində kifayət qədər tozcuq və balın olması; 
f)  hər hansı bir anomaliyanın qarşısını almaq üçün pətəklərə sistematik 
nəzarətin keçirilməsi; 
g)  lazım gələrsə, xəstəlik və  zərərverici ilə sirayətlənmiş  pətəklərin təcrid 
olunmuş yerlərə yerləşdirilməsi; 
h)  xəstəlik və  zərərverici ilə sirayətlənmiş arı  pətəklərinin və materialların 
məhv edilməsi.  
 
3.  Arıların zərərverici və xəstəlikləri ilə mübarizədə aşağıdakıların istifadəsinə 
icazə verilir: 
- süd, quzuqulağı və sirkə turşuları; 

---

 
225
- qarışqa turşusu; 
- kükürd; 
- təbii efir yağları (məsələn, mentol, evkaliptol, kamfora); 
- basillus thuringensis; 
- buxar və ya açıq alov. 
4.  Profilaktik tədbirlər nəticə verməyən hallarda aşağıdakılar nəzərə alınmaqla 
baytarlıq dərmanları istifadə oluna bilər: 
4.1. Üstünlük fitoterapiya və homeopatik müalicəyə verilir; 
4.2.  Əgər kimyəvi üsul ilə sintez edilmiş allopatik dərman məhsulları istifadə 
edilibsə, məhsul ekoloji məhsul kimi satıla bilməz. Kimyəvi üsulla sintez edilmiş 
allopatik dərmanlar istifadə edilmiş arı pətəkləri təcrid edilməli və bir il müddətində 
keçid dövründə saxlanılmalıdır; 
4.3. Hər bir baytarlıq müdaxiləsi dəqiq sənədləşdirilməlidir. 
5.  Erkək fərdləri çıxdaş etmə  təcrübəsinə yalnız  Varroa jacobsoni ilə yoluxmanın 
qarşısını almaq məqsədi ilə icazə verilir. 
6. İdarəetmə; 
6.1.  Arıçılıq məhsullarının yığımı zamanı  pətəklərdəki arıların məhv edilməsi 
qadağandır; 
6.2. Arıların qanadlarının kəsilməsi qadağandır; 
6.3. Balın süzülməsi dövründə sintetik repellentlərin istifadəsi qadağandır; 
6.4. Tüstüləmə prosesində bu standartlara cavab verən təbii materiallardan istifadə 
olunmalıdır; 
6.5. Balın süzülməsi və arıçılıq məhsullarının emalı dövründə  aşağı temperaturdan 
istifadə olunmalıdır.