Şəkil 5. Triodlu elektron projektorunun modulyasiya xarakteristikası.
Ləkənin radiusu dəstənin fəza yükü, elektronların başlanğıc temperaturu və linzanın aberrasiyaları ilə müəyyən olunur. Yüksək sürətləndirici gərginlik fəza yükünün və xarici sahələrin təsirini azaldır, şüalanma parlaqlığını isə artırır.
Müasir televizorlarda elektron dəstəsinin enerjisi 25 keV olur. Şüa paraksial olduğuna görə bütün həndəsi aberrasiya növlərindən sferik aberrasiya ən nəzərəçarpandır.
Qeyd etmək lazımdır ki, bu halda fokus radiusu anlayışı şərtidir, çünki radius üzrə cərəyanın paylanması qeyri-bircinsdir və dəstənin kəskin sərhədi yoxdur. Buna görə də ləkə radiusunun şərti ölçüsünü təyin etmək lazımdır. Ekranın işıqlanma parlaqlığı cərəyan sıxlığı ilə təqribən düz mütanasibdir. Buna görə də parlaqlıq əyrisinin yarımeni (Bm/2) ləkənin radiusu (Rd) kimi qəbul edilir. Daha doğrusu, bu halda elə radiuslu dairədən söhbət gedir ki, onun sərhədində parlaqlıq, maksimal (Bmax) parlaqlığın 50%-ni təşkil etmiş olsun (şəkil 6)
Dostları ilə paylaş: |
