bolani o‘zini jamoaning a’zosi sifatida anglashga(“bizning guruh”, “biz”), o‘z hojatlarini chiqarish uchun bolalarning o‘zlari tomonidan yaratilgan qonun-qoidalarni o‘zlashtirishda umumiy ishda ishtirok etishga, o‘yinchoqlardan, narsalardan, jihozlardan foydalanish), o‘ziga xohlaganicha sherik tanlashga, o‘zi olgan o‘yinchoq bilan o‘ynay olish huquqiga ega bo‘lishga ( “Bu mening qo‘g‘irchog‘im, chunki men uni uydan olib keldim”), boshqa bolalar takliflariga quloq solishga, ularga yon bosishga o‘rgatish;
muomala madaniyatiga o‘rgatish, “ salom”, “ xayrli tong”,
bolada o‘ziga nisbatan hurmat, o‘z-qadriga yetish hissini uyg‘otish, har qanday ota-ona bolasining muvaffaqiyatiga suyunishini tushuntirishga harakat qilish.
Bolalar o‘rtasida ijobiy munosabatlarni shakllantirish, shaxslararo munosabatlarni yaxshilash. Bolalar jamoasida lider va uning ta’sirini aniqlash. Keskin vaziyatlar va kelishmovchiliklarning bartaraf qilishda liderning o‘rnini aniqlashga o‘rgatish. Kelishmovchilikllarning bartaraf etish yo‘llarini tushuntirish (individual suhbatlar, ota-onalar bilan suhbat).
VI bo‘lim “Bola ko‘chada yolg‘iz”. 1-mavzu “Piyodalar yurishi uchun ajratilgan joy” Bolalarni ko‘chada yurish qoidalari, yo‘l harakati qoidalari bilan tanishtirish, yo‘lka nima uchun ajratilganligini, odamlarni ko‘chani kesib o‘tish uchun ajratilgan joydan yurish kerakligini, chorraxa nimaligini o‘rgatish. Yo‘lovchilar o‘tadigan yo‘llardan (er osti va yer usti) foydalanishga o‘rgatish,
2-mavzu “Svetofor” Bolalarga ko‘chani qanday qilib kesib o‘tishni tushuntirish, svetofor nima, undan nima uchun va qaerda foydalanish kerakligini tushuntirish, uning tasviri, belgilari bilan tanishtirish. Svetoforda yongan chiroqlarga qarab harakat qilishga o‘rgatish.
3-mavzu. “Haydovchi va yo‘lovchilar uchun yo‘l belgilari”. Maktabgacha yoshdagi bolalarni haydovchilar va yo‘lovchilar uchun belgilangan yo‘l belgilari bilan tanishtirib borish.
Bolalarni:
- Ogohlantiruvchi belgilar;
