F sh. Bahadirova reabilitatsiya, massaj va mehnat bilan

O‘z-o‘zini tekshirish uchun savollar

1. Tibbiy reabilitatsiyaning qanday turlari mavjud?

2. Kattalar kasalliklarida bemorlar reabilitatsiyasi nimalardan 

iborat?

3. Yurak-qon tomir tizimi kasalliklarida reabilitatsiyani olib borish 

qanday amalga oshiriladi?

4. Skolioz va kifoz haqida tushuncha bering.

---

17

IV bob. FIZIOTERAPIYA BO‘LIMINING FAOLIYATI

4. 1. Fizioterapiya bo‘limida ishning tashkil qilinishi

Fizioterapiya bo‘limida ishning to‘g‘ri tashkil qilinishi uchun har 

bir tibbiy xodim bo‘lim tuzilishi bilan – fizioterapiya xonasi faoli­

yati, yuritiladigan hujjatlar kabi ma’lumotlarni yaxshi bilishi zarur. 

Kasalxonalarda davolanayotgan 90 %ga va ambulator davolanayotgan 

60 %ga yaqin bemorlarga fizioterapiya muolajalari buyuriladi. 

Shunda bitta bemorga 10–12 ta muolaja to‘g‘ri keladi. Zamonaviy 

fizioterapiya bo‘limi quyidagilardan iborat:

1. Ko‘rik xonasi.

2. Yuvinish va hojatxona.

3. Elektrterapiya xonasi.

4. Yorug‘lik bilan davolash xonasi.

5. Massaj xonasi.

6. Suv bilan davolash xonasi.

7. Ingalatsiyali muolajalar xonasi.

8. Akkupunktura xonasi va b.

Bu xonalar sanitariya-gigiyena qoidalariga rioya qilingan holda 

tozalanib turishi va barcha kerakli apparatlar bilan jihozlangan 

bo‘lishi kerak.