3. Natriy gldrofosfat - Na2HPO4Sr2+ ioni bilan pH=5-6 bo'lganda (kislotalarda, shu jumladan, sirka kislotada ham eriydigan) oq amorf cho'kma - stronsiy gidrofosfatni hosil qiladi:
SrCl2 + Na?HPO4→SrHPO4+ 2NaCl
pH<4 bo'lganda gidrofosfat ion digidrofosfat ionga aylanishi tufayli cho'kma qisman eriydi. pH<3 bo'lganda cho'kma to'liq erib ketadi. Neytral va ishqoriy muhitlarda o'rta tuz - Sr3(PO4)2 hosil bo'ladi.
4. Ammoniy oksalat - (NH4)2C2O4Sr2+ ioni bilan ta'sirlashib, mineral kislotalarda, qizdirilganda esa konsentrlangan sirka kislotada ham eriydigan oq kristal cho'kma - SrC2O4 hosil qiladi:
SrCl2 + (NH4)2C2O4→ SrC2O4 ↓+ 2NH4C1
Sr2+ + C2O42 →SrC2O4 ↓
Cho'ktirish sovuq eritmalarda yoki cho'ktiruvchini tez qo'shib o'tkazilsa, mayda kristal, issiq eritmalarda yoki cho'ktiruvchi sekin qo'shib o'tkazilsa, yirik kristal cho'kma hosil bo'ladi.
2.4. Kalsiy kationining reaksiyalari 1. Ammoniy karbonat - (NH4)2CO3kalsiy ioni bilan qizdirilganda kristal holatiga o'tadigan oq amorf cho'kma - CaCO3 hosil qiladi:
CaCl2 + (NH4)2CO3→ CaCO3 ↓ +2NH4C1
Ca2++CO32 →CaCO3 ↓
CaCO3 cho'kmasi kuchli kislotalar va CH3COOH da eriydi.
Reaksiyani bajarish. 2-3 tomchi CaCl2 eritmasiga (NH4)2CO3 eritmasidan 3-4 tomchi tomiziladi.
2. Ammoniy oksalat (NH4)2C2O4 Ca2+ ioni bilan qo'shilganda CaC2O4 ning oq mayda kristal cho'kmasini hosil qiladi:
CaCl2 + (NH4)2C2O4→ CaC2O4 ↓ + 2NH4C1
Ca2++C2O42 →CaC2O4 ↓
CaC2O4 cho'kmasi kuchli kislotalarda eriydi, biroq CH3COOH (pK=4,76) da erimaydi, chunki oksalat kislota sirka kislotadan kuchli (pK1 =1,25, pK2=4,27), mineral kislotalardan kuchsizdir.
