340) Talassemiya hansı xəstəliklərə aiddir?
A) Oynaq xəstəlikləri
B) Qan xəstəliklərinə
C) Birləşdirici toxumanın sistem xəstəliklərinə
D) Maddələr mübadiləsinin pozulması
E) Endokrin sistem xəstəliklərinə
Talassemiya irsi anemiyalara aiddir. Bu xəstəlik zamanı eritrositlər sümük iliyində məhv olurlar. qanda hemoqlobinin miqdarı 30-50 qr/l-ə qədər azalır.
Ədəbiyyat : Axunbəyli A.Ə ; Alimetov S.N. Daxili xəstəliklər. Səh.319. Şərq- Qərb. Bakı 1998
341) Qlossit hansı orqanın xəstəliyidir?
A) Burunun
B) Dilin
C) Qulağın
D) Damağın
E) Yemək borusunun
“ Qlossa “ latınca dil demıkdir , “it “ şəkilçisi isə iltihabı bildirir.
Ədəbiyyat : F.İ.Komarov ;V.Q.Kukes ; A.S.Smetnyovun redaktəsi ilə Daxili xəstəliklər. Səh. 539. Bakı. “Təbi “1998
342) Orqanizmdə hansı vitamin çatışmazlığı sinqa və ya skorbut xəstəliyinə səbəb olur?
A) Vitamin C
B) Vitamin D
C) Vitamin E
D) Vitamin A
E) Vitamin K
C vitamininin ,yəni askorbin turşusunun orqanizmdə çatış mazlığı sinqa və ya skorbut xəstəliyinə səbəb olur. C vitamininə gündəlik tələbat 75- 100 mq- dır. C vitamini əsasən sitrus meyvələrində , qarpızda , bibərdə və s. olur. Orqanizmdə C vitamini çatmadıqda hemorragik diatez əlamətləri, damaqlarda qansızma olur, anemiya , hipotoniya və s. kimi əlamətlər müşahidə edilir.
Ədəbiyyat :Справочник фельдшера .Под редакцией А.Н.Шабанова.Стр.4 Москва « Медицина «1983»
343) Seroz boşluqlara toplanan iltihabi maye necə adlanır?
1. Transsudat ;
2. Ekssudat ;
3. Bəlğəm ;
4. İrin
A) 1 ;2
B) 4
C) 2
D) 1 ; 4
E) 3
Seroz boşluqlara iltihab iltihabi maye yığıla bilər , bu maye ekssudat adlanır. Ekssudatın xüsusi çəkisi 1016-1025 arasında olur , onun tərkibində 3-5 % zülal tapılır. Ekssudat mayesində leykositlərin sayı görmə sahəsində 50 -100 – dən artıq olur , bəzən bütün görmə sahəsini tutur.
Ədəbiyyat : Axunbəyli A.Ə;Alimetov S.N. Daxili xəstəliklər. Səh.442. Şərq- Qərb. Bakı 1998.
Dostları ilə paylaş: |
