Fesil-12. indd

12.3.  

Azərbaycan üçün gələcəyə baxış: dayanıqlı artım ilə inkişaf 

   

etmiş ölkələr sırasına qoşulmaq

Son  iki  onillik  ərzində  Azərbaycan  tarixi  ölçülərə  rəğmən  böyük  inki-

şaf  yolunu  keçmişdir.  Silahlı  münaqişəyə  tab  gətirmək  və  iqtisadi  böhranın 

öhdəsindən gəlməklə, Azərbaycan iqtisadi inkişafını bərpa etməklə yanaşı, həm 

də onun yüksək templərinə nail ola və orta-gəlirli ölkələrin sırasına daxil olmağa 

müvəffəq oldu. Şübhəsiz ki, ölkənin əsas sərvətlərindən biri, ölkə iqtisadiyyatı-

nın gələcək inkişafı, məhz iqtisadiyyatda struktur islahatların və diversifikasiya-

nın həyata keçirilməsi, iqtisadi artımın yeni və sabit mənbələrinin yaradılması 

üçün əsas aktiv sayılan neft bu məsələdə əhəmiyyətli rol oynadı.

Azərbaycan  öz  qarşısına  inkişaf  etmiş  ölkələrin  sırasına  daxil  məqsədi 

qoymuşdur və bu yolda ölkəni bir çox yeni çağırışlar və tələblər gözləyir və 

onları həll etmədən orta və uzunmüddətli perspektivdə iqtisadiyyatın davamlı 

inkişafını təsəvvür etmək mümkün deyil. Bunlardan ən mühüm əhəmiyyət kəsb 

edən tələblərdən biri, qeyri-neft sektorunun rəqabətə davamlılığının artırılma-

sıdır. Bu gün Azərbaycan iqtisadiyyatı mahiyyət etibarilə enerji daşıyıcılarının 

hasilatı və ixracatı ilə sıx əlaqəlidir. Lakin gələcəkdə makroiqtisadi sabitlik, 

iqtisadi artım templəri və əhalinin rifahı bir çox məqamlarda iqtisadiyyatda 

---

374

diversifikasiyanın səviyyəsi və qeyri-neft sektorunun rəqabətə davamlılığı  ilə 

müəyyən ediləcəkdir.

Azərbaycan effektiv idarə olunan iqtisadiyyatın, hətta onda daha yüksəkdə 

duran  innovasiyalı  idarə  olunan  iqtisadiyyatın  formalaşması  üçün  zəruri 

bünövrəyə  malikdir  (şəkil  1).  Effektiv  idarə  olunan  iqtisadiyyatda,  rəqabətə 

davamlılıq əhəmiyyətli dərəcədə ali təhsil və peşəkar təlimlər, effektiv əmtəə 

bazarları, yaxşı işləyən əmək bazarları, maliyyə bazarı, eləcə də mövcud texno-

logiyaların üstünlüklərindən istifadə etmək qabiliyyəti vasitəsilə təmin olunur.